Day 3 (Part 1)：梨大 + 新村辣炒雞

Day 3 (日) 27/10/2013

(241梨大站2出)梨大 + 商圈、(新村站)辣炒雞............

一早搭地鐵，就見到月台坐位上有他，椅上的字說：「you are not alone」
Yes! I know! 有你就夠啦!! (^3^)

 

梨大站出門，一上來已見到有觀光資訊義工當值，他們在多個旅遊景點都有人幫旅客解答問題或指路，是韓國觀光局大力發展旅遊業的其中一項貼心服務

 

一上返地面，已經發覺今天天氣呵呵呵! 

先入cafe食早餐，萬聖節期間限定的冬甩，好得意!

 

 

第一站：EWHA WOMANS UNIVERSITY 梨花女子大學..........但好似錯左文法.......

WOMAN點會加S???  >> WOMEN 不就得了.......韓國英文幾時先同世界接軌..........

梨花女子大學，一早來到，先發覺來錯時間，因為今天是週日，沒有韓國靚女學生妹來上學添~  XP

天清氣朗，藍天襯綠葉，美呆了~

很美的大學校園，極目而望除了藍天，一片植物有綠有黃有紅，層次很豐富

  

陽光穿透了銀杏葉

隨便點影都咁靚!!

在市區的校園已見到這麼美的「楓景」，真的很幸運呢~~

 

 很古典的校學樓

順便練習影紅葉! =D

 非常有氣勢的廣場!

走在鋪滿草皮和植物的斜坡上，同時也是教學大樓的環保綠化屋頂，在這裡曬曬太陽吹吹風，寫意到極!!

離開梨大，對出的就是梨大商圈，大概只是中午，所以未見人潮，商店也是剛開，那就好，不用擁擠跟人迫了~

 

插一堂經濟課：韓國的大學商圈很多都很有名又熱鬧，起先是多間cafe進駐，讓大學生及教職員有地方討論學問或小組做巧課；後來商店加入，因應學生的消費能力而售賣平靚正的東西；發展下來，就吸引一些青年人在此創業開店發展創意工業..........久而久之，商圈成形帶動市場也帶動消費，甚至連遊客都慕名而來!  雖然說大學是授業講學的地方，但大學和商圈共存並沒有衝突，反而是一種很好的互相影響。

離開梨大商圈，可以徒步去新村，這裡有很多熱門食肆，也有shopping的地方，雖然要行15-20分鐘，但因為天氣好好，心情也很舒暢，所以連帶在街上散步走走感覺也很好 =)

唉.......餓住個肚行左十幾廿分鐘專誠過來，本一心想食呢間..........點知見到條勁誇張的人龍，就只好放棄，下次! 下次我一定要食到你!!

一個人旅行就是這麼有彈性，唔食果間就轉場囉! 結果去食辣炒雞! =9

 

在這裡食辣炒雞有圍裙借穿以防你食污糟件衫，但睇落似肚兜多d囉............我就無勇氣穿上喇.......但食店內的客人大都有穿上架，即使大男人都係........我真係好想影佢地相~!!  XD

 

辣炒雞係在檯面上即場煮炒的，而且有店員幫你炒，所以呢一餐唔會趕著食，有人服侍又可以睇到整個煮食過程，而且鐵板一直為食物保溫，所以這種用餐方式很適合寒冷的韓國

又係你................

 一份辣炒雞7000圜(HKD$ 50) 看來不便宜，但很大份啦! 而且有附送沙律、3款泡菜和海藻水泡菜的，水和紙巾亦任用! 

水泡菜入口酸酸冷冷，唔單止開胃，仲估不到可以解辣!

 

芝士辣炒雞是這樣鍊成的!

加埋芝士食，真係好惹味! 不過太大份一個人食好吃力...........其實佢仲有多個食法就是食到一半加飯/意粉炒來食，咁飯同意粉就會吸收晒d精華!!!  
可惜我一個人能力有限不能再多吃了..........這時候我最希望老公大米能同檯一起食......

又食滯..............所以要再起行多走走走!!!  弘大 go go go~

to be continue.........