Day 3 (Part 2)：弘大 + 烤海鮮併盤

Day 3 (日) 27/10/2013
........(弘大站) 週末創意市集 + 未來路商圈 + 塗鴉牆、(弘大站) 烤海鮮併盤

弘益大學對遊客來說不只是大學，同時也是一個令人流連忘返的地方!! 因為環繞在弘大附近的除了超熱鬧的未來路商圈，還有只在週末才出現的週末創意市集，與及很有feel的塗鴉牆，花大半天在此也很值得~

週日下午三四點，已經很熱鬧，還好主要商圈主道很寬，亦沒有行車，更何況天氣很好沒下雨，所以即使多人也逛得很舒服，讚!  =)

商圈內當然有很多鋪頭，而且因為在大學附近，為迎合年青人的消費能力，所以定價都不高，很多冬天衣服，毛衣、外套、衛衣等都係1萬圜上下有交易，超抵買呀~

 路過遇到的cafe，我喜歡它的開揚!

 

City Hunter的李敏皓代言喎~ 型得來笑容又好可愛添! (~*o*~)

行到街尾就見到個公園，逢週末都給手作人同藝術人擺檔，所以在編排行程時特別將弘大和周邊行程group埋在週日去，一來散車費，二來不用撲景點

好可愛的戟絨手工銀包/證件套，我好鍾意相機同龍貓造型的，雖然只係萬幾圜，但都唔捨得買來粗用......

 很漂亮的畫作

 喵~

 
在公園坐下來小休，就見韓國小妹妹們在玩滑梯，超可愛呀~ 右邊的還是小淑女呢!

又是另一個在路上偶遇的驚喜，年青人搞左個試食大會，即場免費請途人試食一些用軍人日常方便食品所製作的小食，然後給投票，讓人們可以了解一下兵役生活

 

這個有驚喜呀~ 用最簡單的腸仔、芝士、吞拿魚加缾乾墊底，雖然全是加工食品，不過mix and match出來都幾好食! 仲好易整添~

週日的商圈特別熱鬧，還偶遇「快閃樂團」他們即場表演引來超多觀眾，大家還跟著音樂情緒高漲歡吹起健! 氣氛so high~  但當音樂一完，人群散去，大家又回復自己的步伐.....好像咩事都無發生過咁........感覺很特別!!

 

13年前第一次在韓國食粒粒雪糕已經驚為天人，後來香港都有賣過，但定價太貴唔捨得食，今次再來韓國，搵左幾間便利店先搵到，都要2千幾圜唔平啊，不過很回味很值得! =9

食完就開始遊塗鴉壁晝，一般人大概會認為這是影響市容，年青人反叛的行為，可事實上，塗鴉也是一門藝術，也同樣應該被尊重的! 而在韓國，很慶幸人們會欣賞塗鴉文化，而且漸澌受人注視
 i like this

 一個字：型!

 

 他在幫自己上色，funny~

除了塗鴉，商圈內都有多間好有feel既 cafe，而呢間就是以建築工地做主題，好特別架~ 

一開始行過時，還以為是施工中的地盤呢! XP

 路邊餐館的小香草園!

 

貓咪看來是流浪貓，但店主就以牠來塗鴉，牠好嗲人啊~ 摸兩摸就反肚任摸，愛你啊~

 

畫中的牛牛在painting，一隻在塗白，一隻卻正在抹上黑夜.........

 再次經過公園，見到超爆「閃燈頭盔人」! XD

今晚重頭戲就係呢間烤海鮮店!! shopping時已行經呢間店兩三次但一直都未開門，韓國的燒烤店通常都只做傍晚至深宵的生意，門口一袋袋的都是炭! 炭烤海鮮.......幾時先有得食呀~!?

等到六點幾，終於開喇~ 專登揀趁早入場，因為怕七八點後人一多老板就唔得閒招呼一個人的生意............場內只有幾檯客，也有聽到廣東話的食客.....仲有兩三檯咁多.........不過呢度肯定無旅行團會來囉! 

而那些風扇就是用來散煙通風的，聽網友說夏天來食會好悶熱，好彩我係秋冬來! =D

老闆識中文，可以用國語對答，佢話原本唔做一個人的生意，但她說我咁遠水路一場來到也不想我失望而回，所以也給我一人份的貝類海鮮餐，誠惠2萬圜 (約HKD$150)

P.S. 如果有兩三人，就可以以每人$16000圜(約HKD$120)任食烤海鮮，而且不限時的! 

韓國無論食咩都有附送泡菜，佩服!! 不過咁都好，因為泡菜可以刺激食慾，有時還可以解膩! 

烤海鮮套餐還附送辣煮豆腐同湯品，都好好味喎!!

登登登登~~~ 超級海鮮拼盤上桌!! 一大盤的真係好有霸氣.......雖說我無得任食......不過見到呢盤無敵大拼盤，我就開始擔心呢盤我都食唔晒啦!!! (@_@);

海鮮拼盤主要是貝類，有蜆仔、花甲、扇貝、帶子等等，之外就有八爪魚同大蝦........即使只是一人份，店家都豪不馬虎，超級有份量! 

咁大盤海鮮餐自己一個食晒，真係好「土豪」!!! 影張相留念先~ hehe~

場內應該沒暖氣，但圍在炭爐旁，可以暖粒粒咁食烤海鮮，真係好幸福呀!

 

開喇開喇~ 貝殼開晒口就差唔多熟了! 建議烤熟晒先好食，而沾醬就有提俱辣醬同韓國麵豉大醬，都幾夾架~

 

重量級芝士烤沙插 (帶子?)，剛巧老闆娘走過來問我好唔好食，我就由衷的話：「瑪shi 搜喲!!」

即係「好好食」咁解呀~ 佢仲幫我烤話呢隻帶子本來是生食的，所以烤到半熟就可以食，熟晒反而會太韌.............芝士烤半熟帶子.........超捧~~!

食到後半段，已經係死撐，惟有慢慢燒慢慢食，好彩呢間無趕客亦無催人人走，我燒下食下腸下相睇下資料，食左2個幾鐘有多，而且還坐得好舒服呢! 

所以總的來說，就是食到就是賺到了!! \(^o^)/

(註：如果定了行程哪天來食，就要在穿著上留意一下，始終炭烤會令衣服染上煙味，所以建議唔好著吸味的衣物如冷衫去食喇! 而旅館有窗的話，回去也把衣服掛在窗外幫助散散味咯!)

食飽飽行返出來，商圈好似仲多人左，大家都好似唔怕凍咁照係條街度逛........不過當晚有十度八度，對韓國人來說不算冷啦~ 我都唔覺好凍喎，看來我都岩搬來首爾住! XD

 

來首爾第三日先開始買第一件衫——牛仔長身恤衫，又平又靚又有插袋仲可以當裙著，係香港買件短身牛仔恤最平都要過百，我在弘大尋到寶只要一萬圜(HKD$73)，大愛~! \(^O^)/