BORN TO TRAVEL: Day 9： the day of shopping

Day 9 (六) 2/11/2013

(139永登浦站5出)便宜永登浦地下街 + e-mart超市、德壽宮大漢門換班儀式、廣藏市場食生牛肉拌飯&買生果、仁寺洞、明洞商圈、清溪川花燈節

最後一天，也只有兩三個新景點要去，反正就是忙著行街shopping，把想買想食想看的都完成就走得安樂了! XD

最後一天係shopping日，之前說沒錢，是因為一早已有張好長的buy list，而在夾好晒價之後，今日就來個瘋買吧!

原本是想既然已無乜錢就別再逛新的地方，可是又見有時間剩，耐不住好奇心，便去看看吧! 早上地鐵內都是準備上學上班的人，而今次係我第一次見識到在韓國地鐵車箱內推銷的奇景，聞說在韓國是常見的事，但在香港真係無見過囉! 個大叔好熱情的推銷他的皮帶，看的人也不多，原本以為這種推銷手法應該無人會吼佢，點知真係有人買呀!! (@_@)

(139永登浦站5出)便宜永登浦地下街 + e-mart超市，這地下街不算是很出名的旅客shopping點，都是從網上一些blog看到的當地人私房點，人家說好好逛好好買，那就來看看咯。

單看規模是不夠goto mall咁長咁多嘢行，但同是在地下，一早又不多人，所以都幾OK

除了在明洞等遊客旺區，其他地方的美妝店反而會平d，今次見到秀智代言的 50% off

超可愛的襪子呀! 其實在很多地方都有襪子賣，之前見可愛也沒買，是因為自己已有好多襪子了，可是後來醒起襪子都可以用來作手信! 唉.........下次一定要大量掃貨先! 1000-2000圜對抵玩呀!

好多~好多~ 好多靚冷衫!! 咩色咩款都有! 而且價錢相宜，由1萬到3萬圜不等，好可惜香港不夠冷，所以買太多冷衫也沒用..........shopping同時都要精明消費，唔可以亂買的啦~

除了女裝，仲見到好型好靚的男仕服裝，尤其是毛裡外套，今期興企領，而韓國男人又有北方人高大挺拔的身型，所以著起中長螻，簡直型到暈~!!! 好想買返件俾老公，可是他人沒來不能試穿，怕買錯..............唉........又一次飲恨!!

地下街沒有很長，在街尾有一些cafe，這間zoo coffee是連鎖店，佈置成動物園咁都幾得意! 可惜它沒有我想食的早餐，所以沒幫襯。

行過兩個鋪位，就見到呢間小cafe，他們有賣特式薯條，點了菜付了錢，就企埋一邊等，這cafe放了一件波衫，原來是韓國的國腳! 有D似running man的金鐘國....haha

影完球星，就見呢間cafe放了兩部ipad供客人玩，仲見到好多人自拍添!
我也來個自拍先~ 仲要同大眼仔一齊合照! haha~

終於等到薯條出爐了，最正係連裝薯條的兜都食得! 而且份量唔細，醬汁好特別又好味，所以食完已經好滿足了!

食飽飽就向超市方向行，中途巧遇曾經紅到去香港的西瓜妹同西瓜仔cafe

裡面仲有超大型熊bear bear~ 哇~我都想做小朋友入去玩埋一份呀~

過左cafe，就見到e-mart supermarket了! 網友說這裡比樂天超市還要便宜，而事實上就要看什麼貨品了，anyway，地方大是很好行就是了

去旅行時最喜歡逛超市，因為可以實際了解人家在用什麼食什麼，而且超市明碼實價，不用擔心做水魚啦~

LOTTE牌百力支，個包裝好得意! 但係太大盒了! 根本拿不到上機......唉

哇哇哇~~~係好出名既呂字洗頭水呀~ 在香港買好貴，大概八九十蚊才一支，呢度big sale 不用150蚊港紙就可以買到4支!!!! 平到笑~~

再去專櫃格價，一支裝要14000萬，我之前行過幾間超市都係賣緊呢個價錢架!! 所以我先買唔落手...........

正當我呆在貨架前驚嘆時，有個公司職員走過來跟我說crazy sale只做這兩三天，她以簡單英文和動作話我知佢公司都係第一次做到咁平既特價，叫我一定要把握..................天啊!! 她說的沒錯，我真係未見過平到咁架~

最終考慮左一陣，還是決定買了，藍色是for 油性髮質，4支賣24000圜(即每支500ml折合港紙約43蚊) 呢個價錢實在抵到無超市能及!!

不過講明先，crazy sale可遇不可求的! 遇到就你好彩喇~ good luck~

為左買呂洗頭水，因不夠現金便第一次試用信用卡，原本收銀員話試左兩次都碌唔到(這情況之前在daiso都試過)，不過好彩今次遇到個聰明的收銀員，她碌不到就索性入number，結果就過到數了! yeah~ 咁我就可以free返d現金出來買其他嘢了! 唔該晒~~

由於4支洗頭水都幾重，所以就先回旅館放低，不過放下之後也沒閑著就趕左再出門了，因為德壽宮大漢門會在下午三點多舉行例行換班儀式，這儀式是免費觀看，所以吸引了很多遊客來看。