Selfoss → Kerio火山口 → Reykjavík Hallgrimskirkja教堂 → Loki high tea → Tjornin湖+市政廳 → Bláa lónið藍瀉湖溫泉
有人遊北歐四國用三日兩晚就KO冰島，有人匆匆忙忙五六天環了島就算，
我們花十天，算是「詳遊一遍」了嗎? 不
因為有人曾以踏單車，甚至徒步的方式徹底看透冰島。
雖然冰島時常風雲變色，可是它的靈與美，
絕對值得你駐足，細看，再細味..........
早餐，是最掛住的午餐肉米線，又係大米落廚，轉性了...........好"敢動"啊~! (T.T)
幾乎在所有的HI，我地都見到呢張告示，那就是冰島的水喉水已經是純淨溫泉水，而且都不用煲，一開水喉就可以直接飲用! 所以這十天我們都不用買水買飲料。
冰島就是如此得天獨厚，地熱發電、溫泉、溫泉水，以及純淨的空氣，這些都是免費! 冰島人好幸福呀! 早知嫁過來入籍啦!! XD
在HI，有時會遇到一些前人留下來不想帶走的物資，今次我們也受了小恩惠，多左包叮叮pop corn跟我們上路! thanks!
第一個check point是 Kerio火山口，它很神秘呢! 因為我們從來都只聞其名，卻不知地址不知座標，甚至當地的地圖上也沒有標示它為景點，就只知是在golden circle附近.........後來去金圈那天也碰不到，所以只能一直放在心上.........
直至round island去到南部先睇到一本免費指南說是它在35號公路去37公路前會見到，之前在北部看不到Viti 火山口已有點遺憾，終於今次有機會了!
這個就在35公路路邊的Kerio火山口真係隨便到無人mark過它的經緯座標囉!!!
而且它竟然就係馬路邊! 係馬路邊呀!!! 冰島真係cool爆，去火山口唔使攀山越嶺，亦唔使冒著身命危險，更唔會有高山反應，就只要把車駛到指示牌轉入的路口盡頭，行兩步就見，點解可以簡單容易成咁!? 太神奇了! ⊙_⊙
Sigh.....又一次慨嘆，在冰島沒有超廣角鏡頭還真的很蝕底!!! 又影唔晒全景喇! 嗚... (T^T)
Kerio 已經3000歲架喇! 有55米深，火山口已積滿了水，可以沿著火山口行個圈。
話說咁難得可以來到火山口，一定要做番次signature pose來紀念一下，即使附近有其他旅客都唔理得多..........點知唔好彩遇到幾隻華裔copy cat! 我做完行開之後就抄我動作影相......都唔緊要，仲要做得好核突! 咁易做就唔係signature pose啦! 抄都抄得樣衰過人! Damn! (=皿=)
在行落火山口湖的路邊，鋪滿了成條火山岩石，執左3粒細小火山岩，它與一般石頭很不同，就是比石頭輕很多!! 它是從火山地殼深處噴出地面的溶岩，在地面上冷卻變硬而成，岩石表面甚至可以見到岩漿的紋理，而且呈現不同的磚紅色
P.S.在紀念品店，我見過黏了粒磁石就可以賣600-800Kr (五六十蚊) ，冰島果然遍地都係寶!
在停車空地有牌子介紹火山口的形成，大概就是Kerio火山噴發後，令岩漿湧出來堆在一邊，之後火山不再噴發，岩漿愈堆愈多又鬆散，就下陷傾瀉回火山口，火山口被岩漿堵塞住，久而久之就變成儲水池了。
冰島的教堂與世界各地的大教堂不一樣，線條很簡潔，完全沒有花巧誇張的裝飾，設計很北歐風，充滿幾何線條美，一入來，氣場氛圍就已感到很舒服....
正對教堂的巨型風琴
參觀完教堂，就去教堂對面的餐廳午餐，這絕對不是白撞，因為之前有書介紹cafe Loki可以食到價錢合理的冰島料理，所以就來試試了
雖然我唔係信佛，不過都覺得呢幅很有意思.......我想我大概參悟到少少手作人的心意......
微距拍照，書架上的人仔很夠意思!
好喇，先上一杯 "Farmers coffee"
咖啡可以同好多嘢crossover，但就未聽過咩叫農夫咖啡，一飲.........
(剛剛再研究餐牌，原來是咖啡加入了一種叫Brennivín的飲料，再找wiki，先知原來是冰島傳統的蒸餾飲料，我地當時無估錯是有酒精成份的!)
再來就是 "Loki tea" 它混合了北極麝香草、冰島的樺木和冰島周圍都有的苔，很冰島!
最有趣是上檯時是用茶碟蓋在杯子上，個idea幾好，這樣茶就不易涼掉了
呢一個好似拼盤咁，全部都係好地道的食材：包括魚乾、三文魚，黑麥包等....樣樣都幾好食，惟獨是中間那3小粒東東........唔知係咩呢............登登登登! 那就是冰島其中一種傳統小食：鯨魚脂!!
之前在跳蚤市場見識過唔敢試亦唔想試........一來因為不想食鯨魚，二來它的味道係超級尿騷味(咳....應該是阿摩尼亞味先真)，聽說是發酵過........聞落已經難頂，食落仲難受..............但係冰島人又好呢味! 真係唔明!!!
其中在rye bread (黑麥包)上放料理，就是一個特色，前面的鱒魚蛋黑麥包就好好食!
後面的蛋沙律黑麥包味道也是從未食過的! yummy~~
呢餐雖然只是輕食，但已經好令人驚喜! 誰說冰島無啖好食架~?!
食完見有時間剩就再逛逛.....這裡的"塗鴉"好pro 好特別....
冰島是個火山孤島，根本就無咩樹木，所以傳統的房子不以木為建材，反而是一間間"鐵皮屋" 不過呢度既鐵皮屋就靚好多喇! 好似呢間咁! like!
行行下，好快就到左Tjornin托寧湖，周邊風景優美，是冰島人休憩地。
湖邊有很多小朋友和家長一起來餵水鳥.......呢個情況絕對唔會係香港出現，因為怪獸家長一定不會讓小朋友接觸禽鳥.....
我鍾意呢件街頭展品，即刻諗到可以名為「都市人」! 實在太有諷刺性了!
在大米入information center問退稅事宜時，我就逛逛旁邊的紀念品店，找到很有趣又很冰島的糖果~ 左起：puffin鳥蛋糖、火山岩糖、極光糖、Vik黑沙灘糖 and 冰島馬糞糖! 好有創意呀!! 我最佩服可以整到極光糖! 不過好貴....而且好驚好甜或味道太怪而無買到........
冰島的手工皂呀!!! 這塊灰灰的是用火山泥造
極光手工皂! 太特別了! 好想買.........但貴到買唔落手.....原本我去親旅行都會買一兩件手工皂.........但今次係唔捨得買..........來冰島shopping一係買到破產，一係就咩都唔捨得買而飲恨!!! (>_<)
雖然我地想再多問兩句，不過男生好像不太願提，又係既對他們來說是bad memory 嘛......不過女生不斷說thank you so much for saving our life.......no thanks! no thanks!......施恩莫望報，更何況我們稱不上施恩! 在我心裡，我也覺得這是命中注定的，甚至慶幸當天好彩唔聽警告繼續前行，如果唔係我地就遇不上他們，幫不到他們，他們就不知要在天寒地凍的荒野繼續再多等幾多個鐘先有人救!
講左咁耐，差d唔記得買雪糕，這個藍色的是薄荷口味，幾錢真係唔記得，約是三四十蚊咁上下，最鍾意個雪糕筒沾了杏仁碎，好好食架~
開車喇，正式離開首都，很希望有機會再來.........
向著最後一個check point出發，那就是在機場不遠的地方，Bláa lónið藍瀉湖溫泉!
從機場過來好像是10分鐘車程，所以好多旅客都會將這行程安排在剛到埗或臨走前來，我們就選擇了臨走前來。從首都來要開車超過半小時，這時候天色又再一次轉差! 仲要係好差好差的那一種!! 烏天黑地，風雨交加! 再加上路邊都是荒涼的火山地型，是世界末日了嗎!?
一起風落雨就更冷! 而且停車場跟入口有一段距離要行，那就更冷!! 快步衝入去後就立即俾錢入場換泳衣淨身，因為當時已經四五點，而這個Bláa lónið是收八點的。
blue lagoon另一樣很出名而又其他溫泉沒有的，就是火山泥漿!! 湖水和火山泥都含豐富的矽、硫等礦物質，所以blue lagoon出的美容護膚品好貴! 入到來溫泉就可以任搽mud mask，所以個個都起勢咁搽上身上面!
入來的時候烏雲密佈又風又雨，但係突然間，風又把烏雲吹走，又見番藍天白雲!!
看湖水中的礦物質在周邊的石頭沉積，使湖邊都白白滑滑!
不用半個小時返到去機場對面的 Keflavík 鎮已經9點半了，雖然手上沒有最準確的地址，但是由於之前係google map睇過街景，所以靠GPS去到附近已經好快搵到hostel，這是在agoda.com找到的，因為Keflavík 沒有HI，而我們要明天清晨5點到機場check in，所以揀住在機場5分鐘車程的 Keflavík鎮。
原本擔心咁夜check in，點知hostel主人留了字條說約10點回來.......但我地好肚餓，於是同樣的留了字條說10點半我們會回來，之後就再開車出去搵食，好彩，鎮小小的都有條中心街，見到有間pizza餐廳仲開緊就即刻入去醫肚
食完就返Svitan Guesthouse，揀這小屋有幾個原因，一來是近機場，因為我們幾小時後就要半夜起身check in，二來它是這區最平的，三來因為這是一間小得只有三間房的guesthouse，說是guesthouse，還不如說是冰島的民居!
與主人邊談邊入房看..........噢.........so nice!!!! 好溫暖好舒適!! 我很開心在最後的晚上可以住到這麼雅致的房間!! 太美好了!!
我和大米雖然從不同地點飛過來，但都夾到差不多時間飛走，而icelandair係廉航，所以他們廉到用電腦自助check in，只要scan本passport，佢就可以做到check in，跟住指示做就成了
又話冰島好少人既!!!??!! 可能大家都係搭廉航，而廉航的起飛時間唔係大早就深夜，所以天未光就積左成棚人係度等行李寄倉! 這可是我在冰島見過最多人的時候了!!! XP
雖然人多，不過蛇餅keep住有郁，都ok既 (^_^;)
因為冰島係個重稅國家! 商品會抽25%稅架!!! 所以我忍到入來免稅店先買囉!!
講真，我從來都唔會係機場買tax free，一來不煙不酒，二來機場物價貴就一定的；但是在冰島禁區內的blue lagoon專門店，就真係平一大截!! 差不多每件都平1000Kr，即係買一件都平市面六十幾七十蚊港紙；而且佢地仲有套裝優惠就更平!
套裝要在blue lagoon專門店內或禁區內先有售，最出名同襟用的就是Mud mask，這套mask要11920Kr，原本一支要6xxxKr，一瓶就7xxxKr，加起來就14000Kr，在機場外分開買這兩樣就再貴多2xxxKr；所以總共我慳左超過5000Kr (約三四百港元)!!
仲有試過精華素都幾好......可惜我無錢瘋買.....下次下次.........下次再來買!
~~~~~~~~~~~ * ~~~~~~~~~~~ * ~~~~~~~~~~~~ * ~~~~~~~~~~~
在冰島學習的第十堂課：
「beautiful things don’t ask for attention」
在冰島說「很美很美!!」就好像變成了天天的口頭禪
然而冰島從來都不會自恃美麗而大肆對外宣傳自己
很多時候，她都是靜靜的，不經意的，隨性的
讓遊人在路上不斷遇上偶爾的驚喜
beautiful things don't ask for attention
你發現也好，看不見也罷，她也不在意，
讓人很想把她留住，把她每一瞬間的美，都留住.......
沒有留言:
張貼留言