清邁的悠閒時光

已經唔係第一次去清邁，上一次很興奮的玩了jungle fight，是來清邁必玩的啦，不過今次就唔玩住了，再隔幾年後再玩先唔會厭嘛，今次就留在古城內外悠悠閒閒的過吧。

完成了參與清邁水燈節的重任後，接下來就很 relax 地 hea，沒有跑景點，就是漫無目的地亂晃，行到邊食到邊坐到邊睇到邊，以下是幾天內在古城內外的駐腳點：

尼曼翰明路、cafe、週日市集、Warorot街市、banboo按摩、古城內、街市、三皇像廣場

水燈節後一日是星期日，下午在古城區會有最大型的周日市集，所以早上就去了城外的尼曼翰明路的，聽說這裡只離古城幾公里，所以上網查了地圖後，就膽粗粗租架單車踩過去了......點知出古城，就是大馬路，沒有載頭盔的我，要在馬路上騎行，真係找死! 而且更曾為了轉左而要cut 4條行車線!!!!  無釀成交通意外除了因為清邁司機禮讓之外、自己本身有車牌有路面經驗，還有就是很命大啦!!!!  大家唔好學呀!!!

 

踩了半個小時，終於搵到條尼曼翰明路路，成個area 都係cafe貼個性商店，有點soho feel，我沒有特別目標，就找個cafe涼涼冷氣嘆吓茶食吓嘢咯~

 

 

呢間cafe好正，貓入得，狗又入得，連犀牛都入得!! 看來呢隻古代牧羊犬在等他的犀牛朋友呀! XD

 

遊吓遊吓，踩吓踩吓，Hea吓Hea吓又一晝，踩到好晒好熱時肚餓就躲在cafe，中午那麼熱那麼曬，酸酸辣辣的青木瓜絲沙律正好開胃
 
等上菜期間，本雜誌好吸引呀.....coffee, bicycle, travel...........太誘惑了..........

hea到參唔多兩三點就準備回程，今次認得路唔使搵路，見返到古城市集開始運作，就先回hostel 休息洗個面先，今次選的hostel好近市集，旺中帶靜，基本上行2分鐘出返大路就到，超正!!

佛教係泰國國教，呢啲小僧侶擺設好可愛!


市集除了shopping仲有好多小食賣，邊行邊掃街超正!!
柚子沙律用紙碟改造的兜仔裝住，料很多，好好味!!
 
而另一碟就是迷你雪糕拼盤，首先用紙碟穿幾個窿，再把雪糕筒插上，一手就拎住5杯雪糕仔，超可愛呀!

我真係超級鐘意清邁的周日市集，比曼谷札道札有feel好多，好local的地攤，有更多的創意和特色手作工藝產品，即使是自家創意，價錢亦平易近人，所以銀包一定大出血!! @_@

 

I like this painting, very nice~

 

愈夜愈人山人海，我已經由三、四點開始行，到九點幾已經開始收擋，但都係覺得行唔夠呀!!! (T^T)

香薰塔，一粒一Baht，好抵玩，而且仲可以自己選香味，很讚!!

就是這些明信片，讓兩年前的我發現清邁水燈節的美! 所以今次也特意買了好幾張寄給朋友，引誘吓佢地先~~嘿嘿~!!

Another day in CM
在香港我不喝奶茶，但泰式奶茶另計，每天都要飲1杯!!  20baht一杯平靚正仲好好飲!!
 
第二樣必食的一定係芒果糯米飯，50-60baht/碟，仲要芒果多過飯，3個字：「無得輸!」

Warorot街市又係我去清邁時必去的，呢個街市好好行，好地道、好齊全、好平好抵好好買!!

泰式菓子甜品，好colourful，感覺非常甜......

13baht就有清熱椰皇水飲，呢個香港賣要13蚊港紙囉!!  

呢個係傳統的竹飯壺，塞一包飯入去勾在腰間，就係lunch box了

行到又熱又累，就可以入廟宇內的花園的抖抖涼，嘆個大椰青，爽呀!

今次聽介紹，試了個熱竹massage，師父會用熱的竹杆在身上按摩，聽說對女生好......只是地點在佛堂內，沒有冷氣......所以熱上加熱.........

dream car呀!!!! 「哦靚之van」x cafe，好正!! 好想有架，開住架車駛到邊鍾意停低就開擋，同客吹吹水，聽吓歌飲吓嘢又一 day，完全係理想嘅退休生活!!! 

呢間算得上清邁古城的高級餐廳.......

決定入來嘆一餐，環境很舒適......仲包場添....

點了個傳統泰式豬肉飯，not bad

Last day at CM

最後一天返來清邁等晚上上機，由於沒有hostel 可以寄放行李，所以一落火車就把行李寄存在火車站內，再回古城hea，清晨的清邁悠閒得很........

  

呢間cafe係警局對面馬路，有冷氣、有wifi、有得叉電，梳化又舒服，所以係度hea咗好耐

 

個彩虹千層餅好好好靚!  不過真係唔好問我彩虹係咩味，總之味道不錯，賣相一流囉! XP

 

左邊商鋪前門就有個荷花池，好正!!


行到去三皇像廣場，見有水燈節活動的佈置，幾百盞水燈好壯觀!

又到Lunch，又係時候搵個地方食飯，等上菜期間，八吓當地的房地產........比起香港瘋狂失控的樓價，我會更想在這兒置業囉!

 

行街見到張泰式按摩的教學海報，講真，好有興趣買佢返去學

 

走喇，又要同泰國的美食講bye bye，臨走點都要買多支果汁，在泰國盛產水果，所以水果果汁真係平到笑!! 

in the "Tuk Tuk"

  

唔知幾時又可以再去泰國呢.............sigh..........