BORN TO TRAVEL: 芭堤雅跳飛機．sky dive at Thai

尋死之旅

真真正正地感到自己活著的瞬間，就是在尋死的瞬刻。

玩sky dive (自由落體/高空跳傘)，香港人只會想到澳洲。
但其實，sky dive這玩意在泰國芭堤雅都有的!

我已經唔記得自己從何得知泰國有，但只要上網打「sky dive thai」/「sky dive pattaya」就會搵到唔只一間公司有提供這玩意。

講到呢度，你會問，係泰國玩安全咩? 都係澳洲玩先信得過........對我來說「該死，就唔使病」玩剌激活動從來就危險，去邊個國家玩亦無十足保證零意外，所以我唔會慫恿任何人去試，玩不玩，去哪玩也是個人選擇，我只是分享個人經驗，不喜勿看。 XP

網頁：而我自己就是跟泰國這公司玩的：thai sky adventures
http://www.thaiskyadventures.com/tandem-skydive-pattaya-thailand.html

價錢：
初玩的一定係玩串跳，即係教練都和你連在一起，所以什麼也不用做不用學就可以跳
價錢是 $9800baht，如果港紙兌緊 hkd$ 1= $4baht以上的話，咁就即係唔使2千5蚊就有得玩，而如果加要攝影師隨行幫你影相拍vedio的話，就要加$4000baht，老實講，有點貴，但呢間公司係搵多個人隨行影而唔係身後的教練伸支自拍神棍出來自拍，所以都算係咁啦，影唔影，同樣都係個人選擇!

泰國的sky dive都集中在芭堤雅，原本我是沒有興趣在芭堤雅停留，但因為sky dive，我再次來到這地方，原本我一直猶疑是否應先上網預約，但我擔心越洋付錢不安全，所以就非常膽粗粗的去到當地先book，book的過程都好hea，在路邊見到租車擁有skydive的海報就駐足望，司機就話可以幫我約，但要租車費幾百元，哈! 當我無做功課呀! skydive公司有free shuttle services，包來回接送，司機見呃唔到生意，也沒迫我，就問我落唔落deposit，我堅持唔俾，話要去到場地先肯俾錢，佢無我符，就照幫我book；就係咁，整個旅程的戲肉：skydive行程就定咗。

但當日之後我的心也是很忐忑，很興奮很想玩，但也擔心有什麼意外，心情很複雜，這一個晚上很難渡過的，尤其是獨自旅行在外，沒有依賴，愈是覺得自己膽小，就愈不能逃避，生命在此刻又強大又脆弱...................

終於都到左第二日，車子也如期的來接我去場地，車上還有另一對男女，女的有點怕，都是跟男友才玩，而再一次地，別人見我一個女生選擇來skydive，都說我太勇敢了，我從來都唔覺得自己好勇敢，我只知道，stay out comfort zone, make comfort zone bigger and bigger, I will be more comfortable..... (^皿^)

小型飛機只可乘載六至七人，機上沒有空姐，沒有座位，甚至沒有安全帶，你可以在過程中窮擔心，亦可以欣賞窗外風光和感受強勁的上升氣流