BORN TO TRAVEL: 曼谷．食買攻略

曼谷，來了5次，都已經行慣行熟，不過它依然充滿無限驚喜，讓喜歡飲飲食食，瘋狂購物的人樂此不疲，長長的必食list、必逛必買list......讓我每次來曼谷都好忙!! XD

今次第一次去的：

．Artist house

．(Saphan Taksin站 + 免費Shuttle船) Asiatiqu

每一次都必定去的：

．(綠色線 E1) Chit Lom 站：Platinum mall + Central World + Big C + 泰式food court + 泰式打冷

．(綠色線北行終點站N8) Mo Chit 站：札道札週日市集 + 柯多哥街市

在火車舒舒服服的瞓了一晚，坐了十幾個鐘，從清邁南下來到曼谷市，已經養好精神，準備好曼谷的瘋行瘋食瘋買~ Good morning Bangkok~

在曼谷，BTS是我的好朋友，所以每次訂旅館都一定要住近BTS 站

買了rabit 卡的15程，除開只係27baht/程，搭得愈多愈遠愈抵，最後還卡仲有50baht按金拎返，即係23baht/程，大家總共買幾多程就自己計下行程來回喇

nana站的 D. Cup.....cafe......女士至愛? XP

先去SUK 11 Hostel check in，呢間民宿係backpacker界好出名，就在NaNa站附近，行3分鐘就到，超方便，而且周邊又有超市、食肆、boots、pub、看來有點雜，但又旺中帶靜，惟獨房內沒WIFI，一定要係lobby上網，而且上房時條樓梯長左d囉........ (T_T)

suk 11又似青旅又似民宿，好有特色，係budget traveler不錯的選擇，係lobby叉電上網時，還有機會同來自五湖四海的人交流下旅遊資訊，識多d新朋友

我book的是一人房，點知俾左間可以瞓兩三人的大房我，yeah~

沖個涼，settle down好d行李，小休一陣後，都不過是11點，於是隨即出去了，去左個第一次去的地方——Artist house，在曼谷市中心外圈，非一般旅客景點，所以有點難找，但因為之前已準備了泰文地址，在一輪搭車又搭船，連「摩的」motor taxi都試埋之後，終於來到了.......

Artist house係舊區活化，活化水道舊區的舊建築，變成文化小屋，讓遊客體驗泰國國粹同時又能保存泰國特式舊區，很好啊!

點知等到了表演時間，才得知今日表演團隊外出表演未能趕及回來開show，唉.....有點小失望，不過都算了，不強求，隨遇而安好了。

水道對面都是民居，呢間好正喎種滿花朵植物

呢間都有自己的小園，仲有自己的小碼頭，很有水鄉情懷~

既然表演取消了，一場來到，點都hea下先走啦，買杯咖啡，在水道旁坐下來，看著船來來往往..................Artist house本身都係景點，有很包船遊覽泰國水鄉的遊哉，在經過時都會向這裡拍照，於是又成了別人的風景

再唔係，買包色彩超級鮮豔的魚糧餵餵魚也很好玩，因為水道中有很多很多魚，都是泰國人放生的，所以都不會撈上來食，再加上大家都餵，所以魚超大條超肥壯，搶食時都幾壯觀!!
魚糧不貴，$20baht已經有上圖咁大包

cafe沒有主食，但此時有賣粉麵的艇家經過，就買碗醫肚，好平，但好好食喎! 湯底好濃郁美味，而且就咁坐係水道旁邊食，吹住輕微的風，氛圍一流!!

泰國的郵筒

tripadvisor：
http://www.tripadvisor.com.tw/Attraction_Review-g293916-d7333233-Reviews-Khlong_Bang_Luang_Artist_House-Bangkok.html

___________________________________________________

到傍晚就去呢個超級遊客區睇睇．Asiatiqu
Asiatiqu都係用之前荒廢了碼頭重新活化，是大型購物飲食區，可惜規劃走商業化中高檔，所以東西賣的有點小貴，亦唔算好有特色，而且太多旅行團都好黎，好遊客區，晚上無嘢做可以去行吓，坐吓摩天輪，但時間緊迫的話不去也沒損失

去的時候又是平日又下雨，人就更少。

大是很大，但餐廳佔了很多位，真正逛的東西又唔夠特別又唔夠平，總之感覺不對

惟獨買手信的鋪頭最多人，爬文時都有blogger提過呢間買手信好抵，我覺得ok啦，又係樣樣都最平，不過旅行團時間緊迫，團友見周圍無嘢行，都流連係呢度好出力係咁買.........條隊超長，如果唔係喪買就唔好同佢地癲喇!

______________________________________________________

Chit Lom 站：Central World + Big C + Platinum mall + 泰式food court + 泰式打冷

Central World係曼谷shopping必去，不過佢都只係一個充滿連鎮店進駐的大商場

如果想買更地道平民化的服飾，就再行遠少少，過左central world同一條河，就會有個超大形批貨商場，呢個批貨場主要做批發，但一樣歡迎零售，商店數量超過兩千間，唔預返一日都行唔晒!! 係愛shopping的女人的不歸路..............最邪惡嘅係，商場有冷氣比行JJ market舒服，而且地下都有兌換店，個rate仲要唔錯，令你會買到一頸血.........(T_T)

開放時間：0900am - 1830pm (基本上五六點d鋪頭就開始收擋，太晚來沒用)

單係飾物區，都有成層，睇到眼花!!!

有小朋友的媽媽都會愛呢個商場

個商場大到要用golf車來代步，太過份了!!!!

次次來曼谷，我都一定會黎入貨，仲唔只黎一次..........試過有次係JJ market見到個手袋仔好鍾意，賣 $850baht，忍了手沒買，第二日黎platinum mall搵，真係俾我搵到同款的，呢度買一個都只係收我 $550baht!!!! 我唔使講價都已經平左300baht喇!!!

platinum分了2楝，但都有天橋相連，路口那楝細d，但3樓以上主要賣鞋賣袋，好集中，間間鋪頭賣嘅都唔會太重覆，布鞋涼鞋拖鞋超多選擇仲好平~

泰國的food court其實幾好架，好多選擇，而且坐得舒服，食物又衛生，仲又平又好味添!
泰國的food court係好多商場都有，central world裡面那個就貴d，platinum mall頂樓呢個就更平民化更抵食。

青芒沙律，好鬼辣!!!

泰式鴨用粉，湯底好濃郁好正!!

椰汁糕，少少甜幾好食

Breaktalk 麵包香港都有，不過這蛋多士都幾正幾好味!

在曼谷食生蝦剌身，其實我都唔係好知邊間餐館有得食，但我食親都係係chit lom夜市的街邊檔食的，好似好冒險呵!??! 但食過兩三次，都無肚痾或唔舒服過，大排檔就係central world出面條街，係夜晚先會擺檔，泰式生蝦剌身好似係$120baht一碟，有8隻咁多架~ 而其他燒魚、海鮮、小菜也不貴，不過如果腸胃敏感易肚瀉的人就慎重考慮冒唔冒呢個險，堅持要試就等旅程最後一兩晚先去吧，以免影響行程嘛! XP

泰式炸蝦餅我在曼谷只係街頭小食的一種，香港食要四五十蚊得幾塊，呢度都係四五十，不過係baht泰銖計呀!!! 但小心好熱氣!!

chit lom 區係shopping 中心，日夜都咁熱鬧繁忙!

咁岩呢晚過黎，係central world對面的big C商場地下有周末小市集，小小的一片地面已迫滿了地攤，好熱鬧，而且有好多創意得來又唔貴的東西賣，都是檔主實現創業夢的地方，好值得逛逛同支持!

之後就再去Big C超市，基本上，去Big C超市就是掃手信，一定滿載而歸，而且佢開到九點十點，所以食完晚飯先來就最好，買完可以直接回旅館。

泰國盛產水果，所以也有很多水果乾賣，是我的最愛!! =9

好colourful的米呀! 有薑黃味、香葉味、洛神花味等........

由於去到big C 大家的目標都唔同，而且掛住shopping邊得閒影相，大家去到之後就自由發揮啦! XD

P.S. 環保小貼士：泰國仲未實行膠袋徵費，所以係big C買嘢俾用好多膠袋，但D膠袋好薄拎唔到重嘢，所以預左去掃貨的香港人，帶定幾個食力既環保袋去仲好啦!
____________________________________________________________

Mo Chit 站：札道札週日市集 (JJ Market) + 柯多哥街市

呢個周末市集又係必去點，不過因為只在周六及周日開，而且時間是朝十晚六，所以編行程時要留意，下晝先去驚閣下會後悔囉...... XD