之所以說泰國的週末很忙碌，是因為一到週末，泰國各地都有市集，是shopping的黃金時機..............有時諗，如果我係泰國人，週末放假真係會忙過返工囉!! （^皿^）
昨天星期六大戰完JJ market，今天星期日也沒有閒著，而且還要來個小遠行，就是要離開曼谷市，去車程要一小時左右遠的Maekong 湄公鐵道市場 + Amphawa 安葩洼水上市場，這兩個地方原本都只是當地人的市場市集，不過它的特色被旅遊達人發現，漸漸受遊客歡迎，是個認識泰國風土人情的好地方
不過要去的話，就先要識去勝利紀念站，因為長途車站就在這站附近
去到長途客運站，就見有不同目的地，可能愈來愈多遊客使用，所以已有英文說明，因為是同一路，所以無論是去Maekong 湄公鐵道市場或 Amphawa 安葩洼水上市場，都是坐同一號，而所謂的長途車，其實是可坐十人八人的van仔；而且班車有固定班次，到時walk in行去窗口counter問幾時有車開車就行了。
坐成個鐘以上，都只是收70-80baht，都真係唔算貴喎。
第一站：Maekong 湄公鐵道市場
睇落去個露天街市無咩特別，但睇真d，就會發現個街市正正有條火車軌夾係中間，而且呢條火車軌唔係荒廢左，佢仲有火車經過架!!! 睇相見街市的擋販都撐起了遮陽的簷篷，但當火車要經過時，他們一收起支支架，簷篷就可以放下，即係唔使10秒就可以變身讓火車經過，而地面上的東西呢?
其實商販很識變通，為左唔使成日又收又放，所以放在地面的東西都不會高過火車，所以就算火車經過，東西不用收拾。
至於為什為市集的商販要在火車軌邊謀生呢? 聽說是因為火車經過的地方都比較嘈吵，所以不受居民歡近，地租地價亦相對便宜，所以想省租的商販便聚集在火車軌邊謀生；漸漸地，這又成了當地的特色，更引起國外傳媒的注意，每當火車經過時那種險象環生的片段更吸引探奇的遊客。
原本要看火車經過時的奇景是要夾定火車時間，可是我趕不上，所以也沒有親眼看過，但youtube就有些片，都幾神奇架!
事實上網上也有很多blogger都分享過看奇景的攻略，但實際操作也不易，因為曼谷下來的交通太容易塞車，所以我遲了趕不上，又不想呆等幾個鐘後的火車，加上個街市真係好熱好焗，所以我逛了一陣就頂唔順走了...........
走之前發現這個第一次見的椰子甜品.......會買它完全是因為它是用椰青殼做盛具，我也是第一次見這甜品，裡面的甜品唔使問一定是椰子味的啦，如果唔係太甜....如果係凍食....如果唔係咁大份....如果當時我唔係熱到hang機.......我一定會好喜歡!
適逢泰國水燈節期間，在麵包店發現原來水燈是用麵包造的! 而且花款很多呢!
但係唔明........水燈點解要有烏龜造型......... (~_~;)
第二站： Amphawa Floating Market
這個地方上次已經想來，可惜上次發燒而取消了行程，所以今次十分期待。泰國有很多水上市場，只是有很多都過度發展，變得很旅遊區，「旅客」到連當地人都唔會去；但這個水上市場原本就是屬於當地人度週末的好去處，亦很難得地保留著平民化和地道的風味，所以很值得花一天來細細感受......
地點：位於曼谷市西南下方
交通：1. 從鐵道市場外坐tuk tuk去，唔使十分鐘車程，但要車滿才開車，可能有排等的
2. 從曼谷勝利紀念碑站搭van仔直接過來，車程超過一小時
洗手間：大都收費，有些就自願性捐，有些就必須收費，都係幾baht嗟
tips 1 ：好多好多海鮮河鮮食，大都在船上燒/烤/煮/炒，雖然好有風味，但就唔肯定衛生情 況....所以如果自問腸胃敏感的話，就小心禍從口入喇。
tips 2 ：可以即興walk in參加樹廟及晚上的螢火蟲boat trip，俾錢上船就得，並不貴，須時大 約一兩個鐘。
Amphawa 安葩洼水上市場顧名思義就是沿水道而興起的市集，只在周六日才有。
艇家都是賣海鮮為主，艇就是廚房，名符其實的水上廚房
海鮮平到無朋友!!! 最衰一碟碟計，我一個人叫一碟就飽左啦.....點試多幾樣呀 (T_T)
如果不喜歡吵，那就走遠一點，愈接近民居，就會更優靜.........只是在享受這份優靜的同時，也請別打擾別人喇..........
Amphawa 附近都有民宿，價錢參差，聽說可以講價........而且可以體驗一下水上人家的生活，只是因為周末的行程有點趕，所以今次沒有試.....
很喜歡這一幕，於是就拍下來了，人的雙手真的很靈巧，心思巧手，成就了既實用又美麗的手工藝。
我想要的 never die，唔係生命，而是熱誠。
書說：「當你選擇闖盪燃燒生命，它會熱騰騰，若不闖，就
可能是全泰國最「水晶晶」的煮麵西施! XD
用壞掉的雪櫃來當做儲物櫃，有創意又環保喎!
葉子編的，巧手工藝
唉...........睇住艘船漸漸遠行，心裡酸溜溜............嗚............我又要..........(T.T)
這艘船成了灶頭，唔知落到水仲識唔識浮呢........
人在拍風景，誰不知也成了別人要拍的風景
一條友食唔到大大盤海鮮，那就買些海鮮串燒來食呀! 少食多滋味，都好好食喎~
Last Shot
回程：
離開時不太清楚VAN仔站係邊，於是就問人，原來大石橋底一邊轉返出去馬路邊就有，好方便，一架VAN可以載十個八個，坐滿就即開，但因為回程都要成個鐘，所以最緊要去定洗手間先；落車點係 勝利紀念碑站，如果仲有力又唔太夜，可以係附近夜市繼續逛。
沒有留言:
張貼留言