據說在泰國，每兩個月就有新的商場開幕，物價在東南亞地區中為低，所以它才是我心目中的「購物天堂」，不過即使再怕熱，我在泰國必去的血併點，都是較為local較為平民的市集、批發場甚至街市，因為在shopping的同時，也能感受當地的風土人情。
曼谷+清邁的
在泰國shopping，有幾點要留意：
1. 好多時會見到個現象，東西似香港價錢，但付的是泰銖，真係平到唔信
(eg. 飲椰皇水13銖就有一個，香港都係賣十蚊八蚊囉!!!)
2. 泰國食的飲的著的買的都好平，即使是個人設計的個性商品都唔會貴到唔合理；有時甚至 平到你唔信，平到唔好意思講價；這表示泰國人的友善可愛，做生意不會賺到盡；既然係 咁，如果人家唔肯壓價，就唔好夾硬鬧僵，去到咁盡只會令購物過程變得不愉快。
3. 蘇州過後無艇搭，見好鍾意就俾錢買喇；泰國好多地攤市集都是小攤位，好多都沒有存貨只此一件，所以諗多兩諗，行開左再返來就會俾人買左，後悔都無用。
但最正的是................瘋買之後也用不了很多錢! 所以就算真的買瘋了，買到喪失理智，事後都唔使後悔同肉赤，因為真的泰抵買同泰好買了!! (≧∇≦)
這是相隔十年後再去曼谷，而且是第一次自由行時買，買的東西都幾大路，跟旅遊書去買，甚至仲有買NaRaYa蝴蝶袋、林真香、boots儲奶袋。不過在隨後的旅行，已經找到自己的寶藏，東西不會在香港找得到買得到
第一次去泰北清邁時的，發覺東西跟去了幾次的曼谷真的有差別，在曼谷有而清邁也有的，清邁會更便宜；不過在清邁有的，曼谷卻未必有，但係價錢亦唔會貴好多，所以我更愛清邁~
以下是以不同shopping熱點歸納出來的shopping list，list以外的就等你自己去發掘了：
(清邁) ：warorot街市：泰北臘腸、泰國茶葉、炸豬皮、剝皮辣椒、泰式生醃酸肉
週六 / 日市集：清邁水燈明信片、特式首飾、手信、肥皂、雞蛋花肥皂雕刻、香薰等等
Amphawa 安帕洼水上市場：本地設計小品、泰北手工藝、本地設計個性小品
Chatukchat 札道札週日市集：衫褲鞋襪袋、本地設計個性小品、皮具
柯多哥街市：柚子皮乾等果乾、魚乾仔、果汁、肉乾等等......
(泰國出名牌子連鎖店)
Boots：日用品、儲奶袋、藥妝
big C：百力支、紫菜、即食麵、彩色米、零食、日用品、蛇仔粉
第一次去清邁時是六月，多得這些明信片，我才知道清邁的水燈節也有放天燈的活動，規模和場面比台灣的十分平溪更盛大壯觀，亦成為我再來清邁的動力
磁石是非常經典又老土的手信，可我媽偏偏又喜歡儲喎，望住佢個雪櫃愈貼愈多，其實...又幾賞心悅目.... (^皿^)
喜歡得閒點香薰的朋友，清邁週日夜市的香薰都真係堅平!! 有一擋在塔佩門附近的仲可以逐粒揀，逐粒聞，1baht/1粒即係唔使2毫半只，抵抵抵!!!
插香式的香薰都唔錯，買開心係週六夜市買到個兩用的雞蛋花香薰碟，你估吓幾錢??
呵呵~~ 5bath咋!!!! 可遇不可求呀~~
肥皂雕刻的雞蛋花也是清邁的有名工藝品，有好多攤擋都在賣，有的師傅都是在邊雕邊賣，先別說各花入各眼，其實這工藝真的易學難精，要知道邊個師傅手藝好，就是看「雞蛋花」!
因為肥皂雕花不是愈多花瓣愈複雜就愈難，反而道理是愈簡單，愈難!
師傅說，雞蛋花只有五瓣花瓣，所以要把花瓣雕得像真、自然、優雅是最難! 我可是走了攤才找到這一朵。
用牛奶罐改造成的小燭台，在清邁週日夜市只此一家，好有創意好漂亮~
vintage的盛飯器皿，唔裝飯都可以用來放小東西，好可愛好 raw~
我好鍾意d好 raw嘅嘢，就好似呢個用竹筒當做杯子的泰式涼茶攤，在清邁週日夜市和地道的Amphawa 水上市集都有，我買完飲完都會留下竹筒作紀念，是有點重，但拿回家做杯子，飲水是會有點新竹清香
下圖都是在清邁週日夜市買到的小飾物，最愛最愛就是介指鏈，墜子可以自選，攤主還可以即時為介指大小做調整，這麼可愛又有民族feel的小介指都只是20baht，超抵呀~
札道札週末市集有好多特別的東西賣，這些耳環好可愛，同張卡紙構成一幅畫，好有心思~
泰國的袋品質都唔錯，又平又靚，便宜的話就不用想太多買吧，因為在泰國買嘢都係蘇州過後無艇搭，不過有時又有例外，就好似下圖的黑白拼接手袋仔，在札道札的個性小店見到要賣$850 baht，除四唔使兩百二都唔係貴吖.......當時都係忍手，之後去platinum mall批發場就俾我再遇到佢，而且買一個都只係 $550 baht，買多個仲可以有批發價，唔使講價都平左300baht，開心死我呀!! (≧∇≦)
我最愛的皮銀包都是泰國買的，而且唔貴，款色同顏色都太多選擇，就看閣下喜歡啥，有時店家還會提供刻名服務，刻了名就更具個性。
至於衫褲鞋襪就隨街都係，泰國是亞熱帶國家，所以全年都是賣輕薄的夏裝，背心短裙熱褲一街都係，睇吓入唔入你眼，有好多仲平到你唔信~
麖皮boots仔係小朋友的，可愛得來又好型喎~
近來，香港人旅行都好興去藥妝店，看看別人用的護理品是什麼；例如boots的hand cream，boots係泰國的大型藥妝連鎖店，好多條line好多自家品牌，品質也相當不錯，而且產品成份香味都有泰國特色。
泰國夏天好潮濕好悶熱，所以當地人都興隨身帶住條薄荷棒，上面可以通鼻，吸一吸真係有精神爽涼的效果，下截就有小小的一瓶薄荷油，對常常會頭痛的我來說，這小小的一支隨身帶住真的好好用。
另外，大熱的還有按摩膏和蛇仔牌爽身粉，在熱天搽蛇仔牌爽身粉好舒服，可以舒緩我的濕疹，而且薄荷會令身體涼涼的，幫助我在熱天乾乾爽爽，還有很好聞的淡香。雖然依家香港都有得買蛇仔粉，但泰國買又平又有大罐裝，個喼有位就可以買囉。按摩膏都幾好用有用，曾經有運動開的朋友一買就買左十幾支返來，好癲~ (>∇<)
至於買番梘，是我個人的習慣啦，每到一個國家，我都會試圖買些當地的番梘回來，但我又唔係買來儲同收藏喎，因為我唔鍾意儲太多嘢係屋企，所以買來的番梘都是買來用的啦! =D
咁樣一來又可以滿足我集郵的習慣，二來又實用，三來也是一種旅行的延續，是一種用得到的回憶.............至於至今我用過幾多國家的番梘呢..........遲d有機會再講。 =)
儲奶袋，是香港媽媽的最愛，都是幫親友買的，香港都有水貨賣，價錢是原價的兩倍以上，所以去到當地，都唔係間間Boots都買到，都試過問無貨。 我見當地都有其他牌子的，不過都是boots出名，而且個袋有刻度，方便泵奶的媽媽用。
講左咁耐，終於都要講食得嘅，泰國買咩都平，尤其是水果，因為泰國農業發達，亞熱帶氣候又很適合生產水果，例如在六月時去清邁，大概是產季，山竹真係平到唔信，我買了十幾廿粒，都只是十幾泰銖，而且商販很好呀，還教我如何揀又甜又好多汁的山竹，一般都以為是揀愈大的愈好吧，但原來不是，商眅話要揀小粒的，因為小粒的沒有核，不用吐核。
清邁的椰皇也是便宜，尤其是 warorot 街市的，這檔主會在開椰皇後用即棄吸管吸一口試味，如果唔甜會再開，買咁平都有咁好的包甜服務；雖然就咁聽好似好唔衛生，但我見佢每次都用新的飲管，每次吸一下就抽走丟掉，所以無問題啦。
泰式菓子甜點，講明先..........真係好甜好甜的，較為人熟悉的是椰汁西米糕，香港都有得食，但呢度平好多。由於唔清想可以擺幾耐，所以如果要當手信就要留意旅程最尾先好買，回港盡快食用。
這也是泰式菓子，用綠豆蓉整的，都弄成水果的樣子，好精緻好靚，唔算太甜，用來送人做手信就要注意，唔多擺得，要買就趁上機前買，小心hand carry。
在柯多哥街市買到的菓子拼盤，甜到無朋友.........泰國人會用菓子來拜神，這樣子很討喜呢!
我最喜歡的甜蛋絲，好好味的。乾身的無左圖濕的咁甜，香香甜甜脆脆，正!
好喇，仲有緊係有零食，泰國口味的紫菜，百力滋、肉鬆、花生、即食粉麵等等，唔去泰國的都知出名。
不過依家泰國商家醒，見百力滋受旅客歡迎，所以索性出批發裝，十盒一 pack ，又或10包一盒都有，不過超市仲有散裝賣，可試試不同口味。
其實依家香港某些零食店都開始有賣，不過都係果句，泰國平啲囉。
喜歡飲泰式奶茶的朋友，就會發現就算在香港的泰菜餐館叫奶茶，都未必飲得返泰國的奶茶，因為泰式奶茶係用下圖的手標茶葉+煉奶沖的，所以如果想延續這泰式風味，可以買包來茶葉回家沖泡，就算就咁飲或做檸檬茶都ok架~
(不過後來我得知都有即沖牌的泰式奶茶賣，懶人或貪方便的o岩晒!
還有就是皇家蜜糖，是泰國皇室出的產品，又一近日大熱手信，細細支牙膏裝好方便
泰國的梳打水，不用介紹了吧，泰國買平到可以當水飲
彩色的乳酸飲品，飲得出有提子味、士多啤梨味.......要雪的，在當地當早餐飲晒佢算啦
喜歡食水果乾的，泰國的款式真係超多，而且都歡迎試食，我最愛柚皮乾、蜜餞橙皮、青檸乾，甚至連西瓜皮乾都有!! 勁!!
調味品就適合鍾意煮飯的朋友，不過就算唔多煮飯，冬蔭公湯粒都好好用，送禮手信自用都好好，因為細細盒好慳位 (^皿^)
這個是彩色米，是將米粒預先用植物染色，好特別，可以蒸煮後用來拼芒果食做甜品食。
其餘的多得不能盡錄.........泰式香茅肉乾、魷魚絲、泰式臘腸、泰式魚仔乾、清邁的香葉膏、炸豬皮、剝皮辣椒、生醃酸肉...................唉 ! 講起都想即刻飛過去! 或者直接搬去泰國算了!
(@_@)
後記：除卻幫人買同手信交差之外；其實去旅行有什麼必買的，好睇個人喜好，大家有興趣或想買的東西都不同，所以我的必買 list 唔一定適合你，但若果是第一次自由行泰國，又不想錯過泰國的好東西，那這個心水推介倒是值得寫，這算是一種回饋，當初我沒有idea時，也是從網路取經，再加上自己一次又一次旅行見識才會有今天的瘋買list。
............次次去泰國都好好忙........sigh........但係真係買得好開心好盡興~~
~~I miss you so much Thailand~~~
沒有留言:
張貼留言