Day9, 31/3/2016（四）
當日騎行里程：90km
當日騎行時間：上午約1000 - 1900
住宿：小旅宿TW$1500
天氣：早上天晴曬熱，下午4點後開始大風， 細密雨
足跡：1000長濱→北回歸線塔→1300豐濱→招呼站向日葵花田→1600上三百幾米山路芭崎→蕃薯寮→1700四五條跳浪隧道→1900花蓮市 →福町夜市
當日騎行時間：上午約1000 - 1900
住宿：小旅宿TW$1500
天氣：早上天晴曬熱，下午4點後開始大風， 細密雨
足跡：1000長濱→北回歸線塔→1300豐濱→招呼站向日葵花田→1600上三百幾米山路芭崎→蕃薯寮→1700四五條跳浪隧道→1900花蓮市 →福町夜市
昨晚一直下雨，今早又見到太陽，太好了!!旅館老闆對我們挺好，一路相送的，因為他也曾經單車遊台，他跟我們說今日到花蓮有90公里，如果昨日115公里都ok，那今日的行程對我們來說不難....哇有他的意見，我們也安心了....所以我們是帶著輕鬆的心情出發!
踩咗無耐就再次見到北回歸線，即意味著我們的旅程也差不多走過七成了，不過那是旅遊景點，好多人，停低影張相再去個廁所補補油就走了。
天氣好真係點影都靚，不愧是台灣最美的公路
雖然好曬.....但踩住車都有風，都ok，不過因為怕曬，所以全情做幪面俠
頭3個鐘去豐濱好曬，但風景靚，當好肚餓時就見到豐濱市，好開心！小鎮餐館無乜人，坐得好舒服，又有凍水無限供應，仲可以順便避一避正中午的大太陽。
豐濱市的小小消防局
午飯後再出發，在不遠處就有小驚喜，招呼站有向日葵在路邊打招呼，超靚呀！
稻田呀!! 綠油油的~
東部海岸線真係超級靚，但路段都是不停上下坡
其中還隱藏了超過海拔3百米的芭崎，OH MY GOD~ 之前爬文只知上壽卡難，但都沒人說之後仲有個芭崎~!! 咩料呀~好難頂呀~加上連日趕路積累，好辛苦，真係踩爆繼咁滯~! 差不多上到最高處的時候，路邊的小販給我們打氣：「加油，快下坡咯！」.......當時踩到頭暈眼花的我根本連講多謝的力都無......係咪真架唔好呃我......
巔峰．癲瘋，呢一刻真係踩到癲咗~!!
4點幾爬完坡再大落斜後在油站小休，睇住google map話仲要再上坡，真係好難受，好想放棄（這是連上壽卡時都沒想過的）但就係呢個時候，迎接我們的竟然是4條隧道，原來隧道是新路，而舊路真的是要上山。
其中兩條叫跳浪隧道，這4條都是新的隧道，路面算是較寬，而且最重要的是：那是全下斜的路!!! 雖然只要有車經過，困在隧道裡的摩打聲都很嚇人，不過通過所有隧道後，就只剩下臨海的平路，太好了!!
如果入隧道就好似進入黑洞的話，那過隧道最開心就係出隧道嗰刻，重見光明呀~
走過跳浪隧道，又見到花東海岸了
但呢個時候天亦開始黑，很大風亦開始有點雨，要大米在前破風，之前一直都是我在前他在後，這是為了怕我在後會跟丟，點知佢跟咗我幾百公里，就等於我破了幾百公里風！今次仲唔輪到你！？係後面真係舒服慳力多囉！
「何妨吟逍且隨行，一梳煙雨任平生，回首向來蕭瑟處，也無風雨也無晴」
終於在七點多抵達花蓮市後，很快就找到落腳點，係一間隔離就係洗衣店，過條馬路就係夜市，又平靚正的民宿，簡直完美無缺！
一入去看店的竟是小朋友，他說媽媽在上班只有他看店，但他一點也沒在怕，著我們登記付錢之後就給我們房匙，又教我們如何用密碼鎖，這小子很能幹嘛!
台幣1500元也不是特別便宜，但它的地利位置無敵，房間又大又舒服，值得!
無諗過去到花蓮仲可以行夜市，Surprise！Yeah！
勞碌了一整天，要食大餐慰勞一下啦~ 經過這環台之旅，發覺台灣好幾個大夜市都有鐵板燒食
夜市內有多間果汁店，就是呢間又平又有紅芭樂汁，35蚊台幣，好清新好好飲~
在環台路上偶然聽到"Country Road" ，好感觸.........
不運動，哪來的小鮮肉，我又要小鮮肉呀~
總結，花了兩天，終於從臺東到達花蓮，完全被加走灣旅館老闆呃咗，話昨日110km，今日90km 是小case！真係唔講由自可，一講把鬼火！上芭崎根本就係打第二個大佬!! 哪來小case呀!?!
沒有留言:
張貼留言