一般來說，旅行瘋買的戰利品應該到遊記完的時候才show off，可是如果對準備出發的人來說，事前做定資料搜集，就不怕錯失好買好用又好靚的東西了! =)
敗身家熱門戰場：
明洞商圈、東大門、梨大商圈、弘大商圈、仁寺洞、南大門、樂天mall超市當地人私房戰場：
GOTO mall地下街、永登浦地下街 + e-mart超市、鐘閣站地下街、Daiso一千圜店
(P.S. 以下提及的價錢都以韓圜計，以2013年10月尾匯率是 每$1萬圜 兌 $73元港幣)
Daiso 一千圜店：
香港有10蚊店，日本有100Yen店、而韓國就有千圜店，兌起來即7.3元店，真係聽到都興奮!!
以下是在Daiso買到的東西，八成都係1000won/件，也有2000或以上的，所以要看清楚標價。而我去過的分店有：明洞商圈內、Goto Mall高速客運站外、鐘閣站4號出口附近(有5層樓高)、蠶室站樂天mall超市。當中最好行最多嘢買的是鐘閣站4號出口附近的，因為有5層樓高，貨品選擇最多!
買左廿幾樣嘢用左兩三萬圜，食的用的洗的什麼種類都有，總之入到去一定有收獲! =D
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
衫褲鞋襪類：
秋冬季去首爾有個好處，就是可用很吸引的價錢買到又靚又質地好的冬季衣服，很多衣服都是5千圜 / 7千圜 / 1萬圜 / 2萬圜任揀，真的超好買!
最抵買要數冷衫!! 韓國冬天寒冷，所以冬季衣服既保暖又時尚又便宜，以上的厚冷衫都係1萬至2萬圜件!!! 可惜香港寒冷的天氣不多，著到厚冷衫的機會很少，所以才沒有瘋買.......惟有影張相當買左........... (T_T)
平靚正冷衫隨處可見，但處處見到的款式也有不同，存貨亦不多，可能得一件display賣了就沒有，所以想買就趁手，錯過走寶沒得怨啊!
左上白色在永登浦見1萬、中上橙紅在鐘閣站見1萬已售罄、右上粉橙在仁寺洞賣2萬
左下粉紅在永登浦、中下湖水綠在鐘閣站見約1萬、右下桃紅在鐘閣站見1.5-2萬
最後在唔夠錢的情況下仍買了7件衫，其中4件每件賣5千圜(HKD$36)，2件每件賣1萬圜(HKD$73)，1件冷衫賣2圜/件(HKD$146)，合共6萬圜買到7件冬季衫!! 即約430港元買到7件冬天衫，除開六十幾蚊件，而且大都是長衫多布或厚身，真係抵到爛!! \(^o^)/
熊仔襪有耳仔架~超可愛，而免仔襪的嘴仔是立體的!
可愛得意的襪子也是隨處可見，不過處處都不同價，由1千圜至3千圜不等，要夾價! 不過間間都有唔同款，如果不會重複再去同一個點shopping，就要手起刀落，鐘意就買喇!
P.S. 不妨留意下，襪子有機會是made in Korea，洗著過幾次，都ok耐用同舒適呀~
在仁寺洞見到1萬/個，銀包不是處處有售，而且螢光長銀包難得一見，不過在俾錢時都有猶豫究竟買螢光粉紅定螢光橙 =P
之前已經想買對又平又輕身的波鞋，所以去到首爾都有特別留意，呢對係南大門買，講得南大門，就係便宜貨，1萬/對，落街粗著唔肉赤!
這是在高速客運站的Goto Mall地下街買的，1.5萬/對，之前有想過買對高筒波鞋來襯衫，點知睇中呢對竟然係增高鞋..........我唔使增高啦，不過有踭都幾靚，而重點係對鞋通爽唔焗腳，款式百搭又易襯!! 回港前後都有去鞋鋪睇過，一對看來不怎麼樣的款都要賣二三百蚊以上，我真係買抵好多囉!!
以我的觀察，現在首爾流行揹背包，男男女女無論著西裝定學生妹都揹住個stylish背包，所以背包店隨處可見，給老公大米買了個內附電腦保護夾層的方形背包，款式斯文簡潔見得人；另給自己買了個仿皮背包，貪其用料款式特別，擺脫揹背包一定sporty or school look的定律!
(藍色在明洞賣1萬，啡色在Goto Mall都係1萬，73港元可買到靚料耐用款靚又多間格的背包，真係愈買愈開心，現在明白什麼是「買到就賺到」~!)
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
新鮮食物類
旅程中要帶新鮮或非預先包裝食品出境入境都有難度，一來怕變壞，二來怕入不到境，所以通常我都會將它們全部寄倉，但寄倉又驚壓爆或漏瀉........這也算是回程中最大的挑戰了
可是今次韓國之旅我也忍不住買了很多水果和醃海鮮，因為總想把韓國的味道帶給家人分享嘛! 可幸時值秋冬，所以不用擔心變質，而且香港海關是容許新鮮水果hand carry入境，所以我也老實不客氣了! =9
根據資料說在當地餐館食醬醃生蟹要4-5萬圜一餐，而我們這些慳家平民想食又點算好呢? 那就是去街市買囉!!
邊度買：廣藏市場都係得三幾間鋪有得買
幾多錢：這隻有手掌咁大(比三星note2大少少)的賣1萬1隻
食後感：咸! 但係咸鮮! 撈飯一流!! 而生食蟹肉的口感也很特別，有點像食jelly
平日買隻大蟹都要咁上下價錢啦，依家仲要試到韓國人獨特的醬醃生蟹! 我諗全世界都係得韓國人先會咁整，據說就像食大閘蟹，每年都係得一造，當地人大約於每年10月至11月間才會醃製，醃製大約三數天就會食用，所以絕對是期間限定!!
辣醬醃生蟹，選用小一點蟹開邊醃製
邊度買：廣藏市場
幾多錢：1萬圜有七八只
食後感：很香辣惹味!!
大多數人都聽說過韓國會食生八爪魚刺身，但辣醬生醃八瓜魚又聽過未? 韓國人喜歡生食海鮮，更喜歡醃泡菜，而辣醬生醃八瓜魚就是兩者結合，非常韓式，非常地道!
邊度買：廣藏市場
幾多錢：5千圜/半磅
食後感：這是我的最愛!! 非常惹味可口，就咁食都已經好正! 很後悔沒有多買!!
P.S. 其實一般大型超市如樂天超市或E-mart都有賣醃海鮮，不過就以每100g計，非常貴，可是廣藏市場的售價就平民多了! 而且店員都會主動邀請試食，試岩先買，就算最終沒買也沒有黑面啦。 而其中有一間會一點點英文，也會示意1磅大約有哪個盒子的份量，如果你決定買，他們就會幫你包裝到上圖的樣子，又袋又盒再加膠紙封邊，非常穩陣!! 她說可以hand carry上機，不過我最終都寄左倉
韓國的水梨很有名，好記得大長今裡的御膳廚房會用水梨的天然甜味來代替砂糖，而我食生拌韓牛時也是用水梨拌食，所以我也買了三個來試試
邊度買：廣藏市場
幾多錢：3個4000圜 (約HKD$30元)
食後感：清甜爽脆! 同一般梨子也沒大分別，不過韓國水梨很大個，自己食一個會好飽!
時值秋季，在內藏山看楓葉的同時也看到柿子樹上結滿了柿子! 所以決定把韓國柿子都買回港
邊度買：內藏山出入口附近攤檔
幾多錢：1000圜/個 (約HKD$7.3元)
食後感：清甜，買了個脆脆的好保存帶回港
能夠在旅程中遇到新鮮的無花果，簡直是我的榮幸!! 無花果在香港相當嬌貴，就算是無花果乾也不便宜，更不用說是新鮮的了! 我曾在香港超市見過4粒土耳其無花果索價35元，但今次我在首爾及內藏山附近都見到有賣，即刻不顧一切都要買!!
邊度買：在內藏山區我見過最平是5千圜有一箱廿幾粒，但驚唔擺得所以忍痛唔買，而到旅程最後一天我才去廣藏市場尋找，就只見兩鋪有售，一間在市場門口賣1萬圜10粒，另一間在入面不起眼處，6千圜8粒而且連包裝和膠盒，個膠盒非常重要，因為無花果一壓就會扁啦!
幾多錢：1盒8個6000圜 (約HKD$44元) 如果一紙箱2盒16粒，就賣1萬圜，不過我一個人拎唔到咁多返香港啦......... (^_^;)
食後感： 好好味!!! 我很喜歡無花果清清地不會太甜太膩，而這是第一次食新鮮的無花果，比食果乾更驚為天人! 好味到暈!! 回味無窮中........
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
食品飲品類：
韓菓子是韓國人品茶時食的，今次也買了少少來試
邊度買：鐘閣地鐵站內的擺檔
幾多錢：1000圜 /盤 (約HKD$7.3元)
食後感：沒有留下太深刻的印象，可能食的時候以為是甜品，但結果並沒有很甜
LOTTE 同 Market O出的朱古力都好出名，出名到香港都有售，而在韓國買也沒有便宜很多，所以我也無謂山長水遠咁搬返來啦，少少地買幾件就算了，不過不得不說韓國人真的很在意胖，所以零食大都會大字標明食品的卡路里! 等你食得安心
邊度買：超市 + Daiso
幾多錢：1000-2500圜/件
食後感：Market O 的brownie 又真係幾好食，而最特別的是在Daiso買的咖啡味香口珠
白色是另一款韓菓子，脆脆的少少甜，會不知不覺一粒接一粒地食下去......
另辣炒年糕味的脆脆也很有趣，最適合買來當手信!!
雞脾型脆脆造型得意，不過味道一般
邊度買：便利店 / 超市 / Daiso
幾多錢：1000-4000圜/件
飲品類我買了最地道的馬格利酒，有罐裝和樽裝，馬格利酒在當地相當流行，而且韓國人無酒不歡，所以我也買幾支來試試，酒精濃度由3-6%都有，大米飲過話幾得意，女生飲都ok
最近幾年每次去旅行都會嘗試買些當地的茶包或即沖飲品，買吓買吓就變成左搜集習慣，因為每個地方的飲品也很特別，所以特愛把當地飲食文化帶回家品味
左下：麥茶包——麥茶在韓國很普遍，他們幾乎是把麥茶當水喝，麥茶有助消化，中暑、吃壞肚子、喉嚨乾渴、沒胃口時都可飲用
中下：綠茶咖啡——這個對我有很大意義(詳情容後再詳述).......所以一直想買它來喝
右下：五味子茶——味道甜甜酸酸的，有提神醒腦、解疲勞、保養喉嚨及治咳等功效
邊度買：超市 / 便利店
幾多錢：約1000-5000圜/件
食後感：全部香港都無得買，但全部都好好飲!!! 下次去再買入多d貨先~
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
傳統手信類：
因為媽媽有儲開磁石，所以每次旅行我都會為她搜羅當地磁石，記得十幾年前第一次去韓國，都買左一對泥膠公仔磁石給她，今次這對磁石的韓服是用布造，好精緻呢!!
邊度買：東大門、斗塔Doota、南大門
幾多錢：東大門外賣1萬4個、斗塔Doota內賣8千、 最後給我在南大門批發店用6千圜買走! 格價後省了28蚊港紙!!
媽媽儲磁石，弟弟就儲匙扣，這個也很"韓國"，因為是韓國酒匙扣，還配多個傳統用來飲酒用的葫蘆殼，相當有特色o架~
邊度買：明洞的小超市內
幾多錢：1500圜 (約HKD$10元)
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
個人護理類：
人家到外地血拼，大多是買食的著的看的，而我這超典型C9，就最喜歡嘗試當地人的日常用品，這也是實際體驗當地人生活的方法呀~ 而且東西都是消耗品，不會為家中帶來儲物壓力，用過真係好好用咪下次返去再買過囉! 呵呵~
韓方「呂」字系列洗頭水，未出發前已風聞它有多好，網上Blogger對它一致推崇，甚至團購網都不時推出團購優惠，但所謂的優惠依然好貴囉! 平均七八十元才買到400ml-600ml的分量。而當我身在韓國時，也有留意它的售價，同樣地不會比香港便宜，單買一支400ml就索價13990圜，真係貴到無朋友! 因忘開初我也不打算買來試..........
點知...........在最後一天買到差不多山窮水盡時，給我在永登浦E-mart超市見到絕世跳樓大特價，推銷員說公司從來都未做過呢個價錢架，就只兩天而已!.........well............好彩我之前都有格過價，佢無呃我，24000圜有4支500ml的價錢真係破抵價，藍色for油性髮質是這個價錢，如果買紅色中性髮質的是18000圜4支，呢個價錢比買1送1更平!! 唔買真係對唔住自己囉!
邊度買：永登浦E-mart超市
幾多錢：24000圜 /4支500ml (約HKD$44元/支)
用後感：正!! 網上多位blogger前輩用過都話好，我都唔信，自己用過就信了，洗完頭，頭皮好舒服，唔會乾，頭髮好柔順，而且帶點中藥香氣很好聞很舒服
欲了解產品詳情，在搜尋引擎打 「呂 洗髮水」就有很多link了
有相為證，行左幾間超市，單支售價都係呢個價錢，真係嚇死......當然，也可說這是推銷技倆；不過我係自願「落搭」啦~ 事關真係好用嘛~
之前美容師說我的面部皮膚被洗面膏洗到很薄很易爆微絲血管，所以我只會用潔面泡泡洗面，這支是茶樹，很抵用，洗完面也不會乾，誰說平嘢無好架? 呢支性價比高呀!
邊度買：鐘閣地鐵站4號出口附近的Daiso
幾多錢：2000圜 (約HKD$15元)
這是用來刷澡用的，賣相超可愛，有左佢，萬年老泥死皮都無得留低!
邊度買：南大門 / Daiso多錢：1000圜/件 (約HKD$7.3元)
邊度買：Daiso
幾多錢：1000-1500圜/支
除左搜羅各國茶包，另一樣我會搜羅的就是肥皂! 韓國的肥皂標榜用韓方，有用高麗人蔘、竹鹽、五穀入皂，這樣貼身地體驗在地產物，有助我加深對各國的了解呢~ (^_*)
邊度買：Daiso / 超市
幾多錢：1000-2500圜 /塊
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
我買嘢講求實用，血拼同時也希望體驗人家日常生活是在用什麼；而且我要再次強調我是個典型C9，所以去旅行逛超市同在港行超市時一樣，見到有什麼又平又有實際需要的東西就自然就會丟入購物車架啦~
晾洗衣用品，超可愛的衫夾同洗衣袋~ 雖然我必須承認買它們是因為它們賣相可愛，但它們是很實用的東西我才會買啊，因為我家正缺衫夾和好用的洗衣袋
邊度買：Daiso
幾多錢：1000-2000圜 /件
貓貓mouse是給大米的手信，他說買得合時又合用，因為他的mouse最近很不聽話，所以他說貓貓拯救左佢呀~ 不過圖案可愛可是用來滿足自己的，hehe~ =D
邊度買：Daiso
幾多錢：1000圜 (約HKD$7.3元)
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
廚房用品類：
自從成為C9後，當地特式調味品都係我搜羅既目標，而買它們回去，也是回味韓國的延伸......
- 上方紅盒是韓底蒜辣醬，綠盒是麵醬，香港有售，但當地特價1000圜盒，平喎!
- 左下紅樽是牛肉專用沾醬，是含水梨成份的韓式牛肉醬，韓國人食牛會用水梨提味，所以這醬很地道
- 白樽是竹鹽，食用竹鹽非常健康! 因為竹鹽不含鈉質架!!!! 所以它的售價也不便宜! 但為了健 康值得! 下次去要多入貨先得!
- 一包包的牛肉粉同魚粉，香港的廚房慣用雞粉調味醃肉，但韓國就有更多選擇，他們比較慣用牛肉粉同很鮮味的魚粉
邊度買：超市
幾多錢：約1000-3000圜 /件
沒想到在充滿文化氣息的仁寺洞可以買到嘢(乜都岩買...我果然好買得!哈哈!)
這個是用天然葫蘆製造的茶隔，我常常沖茶，可是我不想用膠造的或不锈鋼的，見到這個天然葫蘆我就決定買佢了!
邊度買：仁寺洞茶具店
幾多錢：3000圜 (約HKD$22元)
這又是一個意外，見迷你版泡菜罌咁「的骰」可愛真係忍唔住.......
雖然係迷你，但手工一點都不馬乎，而為左尊重佢係傳統泡菜罌......所以我都用佢來裝泡菜!
邊度買：仁寺洞茶具店
幾多錢：5000圜 /盤 (約HKD$36元)
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
其他
因為下雨，因為沒帶傘，所以買傘............但能夠買到這把心頭好，我不禁要感謝下雨!
邊度買：永登浦地下街
幾多錢：5000圜 (約HKD$36元)
買給姪女的髮飾，當她一見到已經話：「好靚呀好靚呀~」的時候，我就知無買錯! =)
邊度買：Daiso
幾多錢：1000圜 (約HKD$7.3元)
早年在台灣見過一塊檜木杯墊賣HKD$100，這塊散發著淡淡的木香杯墊只賣HKD$28。它特別在每一塊都不一樣，而我選這塊就因為它竟然在同一樹幹裡有兩個年輪...........年輪是樹木生命的軌跡，而年輪就好像兩人的人生同在一起........
邊度買：仁寺洞茶具店
幾多錢：4000圜 /盤 (約HKD$28元)
天使翼耳環，朋友都說很靚啊 (~^_^~)
邊度買：明洞夜攤檔
幾多錢：1000圜 (約HKD$7.3元)
~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ + ~ +
把整個韓國都買回來了!! XD睇完成篇血戰紀錄，有無奇怪點解唔見人氣手信(如紫菜、泡麵)或必買的化妝品護膚品呢? 這我要說我才不要把香港也買得到的東西千里迢迢抬返香港啦!!! 無錯係韓國買真係會比香港便宜，但都要睇當時匯率嘛，我當時兌1對136.5算是很低，所以受匯率影響護膚品都只係平左少少並不划算，我甚至聽朋友說在韓國買CC cream打完8折都不及香港團購平呀!! 出國血拼唔代表盲目，買得精明先有成功感囉!!!!
所以人地去韓國買的我都無買，我的要求不同，買東西除了平，仲要特別! 香港買到的我不買，香港買不到的我要平靚正兼實用才買!
沒有留言:
張貼留言