荷蘭一．初到阿姆斯特丹 Amsterdam

DAY 1 (Apr 6)
KEF → AMS (1240) → Check in → 市內熟悉環境 → 萊登廣場、辛格花市(Singel Bloemenmarkt)、Dam水壩廣場、中央車站、紅燈區 → ah超市

唔好睇行程好似好多好緊湊，實情是Amsterdam市中心真的不大，我都係好隨興咁行下行下唔覺意就遊左咁多個景點!，一個下午來回遊走了六七公里路，漫步感受Amsterdam的氛圍...

中午12點幾先到埗，可我已不是第一次來這個機場，所以很快就直接去找information counter，給他們看看地址，他們就立即可以教我直接搭咩車，很方便很helpful~

一出機場門口，就見到 "I amsterdam"

搭192號巴士去Leidseplein箂登廣場站下車，再行8分鐘就找到我的旅館的，好彩一路都有igo GPS，在城市用GPS真係好方便，一輸入街名同門號就一定唔會迷路! =D

見到又長又高又斜的樓梯，幾乎想暈低，好辛苦咁拎住個喼上到一樓lobby，已經出晒汗，check in完，原來我要住5樓閣樓!!  好彩有個後生仔職員一把就將我的行李扛上去，如果唔係我真係唔知點算!! 

後來才知道，這是Amsterdam傳統房子的特式.........因為咁既樓梯最慳位，計我話，給我一塊板，我落樓時直接"sur"落去仲快!! @_@

原本是訂單人房，他卻給了我雙人房.......又長又窄的...........我一個人住是夠用啦，但如果真的是兩個人.......都真係會迫喎!  所以我要多謝hostel owner，說不定單人房會更小....

有窗有盥洗盤， 至於洗水間就share，這是可以住在市中心單人房中最平的了，所以我已經好滿足了!

原本睇相係米白色，都幾清雅，到來時又變成綠色，住在斜的屋頂閣樓裡，感覺很特別

雖然房仔細細，而且又在閣樓，可是窗外風景很不錯! 就是電車經過會嘈.....但我早出晚歸，影響不大.........那wifi呢..........收不到，不過落返一樓lobby就好ok，那就落去上網囉! 出門在外，我能屈能伸!
settle down之後再坐一坐休息一陣，就出門口去行下，熟悉下Amsterdam

行左8分鍾再來到箂登廣場，巧遇街頭表演，班後生仔好跳得又好搞笑好有趣!

尤其當他們以街舞籌錢時，講左一句 " We dance for LOVE, we love money" 坦白得來又唔會討人厭! 好啦，見你地咁落力，抵賺啦~

 

又係灰灰暗暗的天色..........一來到，Amsterdam就給了我一個臭臉.......Sigh....我知道的，荷蘭的天氣一向如是，時晴時雨，才不會買誰的帳

好搶眼的單車~!

唔使半個鐘就行到去辛格花市(Singel Bloemenmarkt) 

 辛格花市以前真的水上花市，人們都在船上賣花，發展到今日，反而由很固定的當鋪取代

 花市的花好靚! 仲平到得人驚! 雖然我只短短停留7日，但剎那間好想買一束返去hostel擺，因為花真係會令女人心花放! O(∩_∩)O

花市就好似香港的花墟，不過呢種興賣種子，大概由種子種到開花成功感更大吧!

專賣吊床的專門店，好靚呀，我都好鍾意吊床，搖下搖下感覺好寫意!

荷蘭的芝士專門店隨處可見，而且大部份店舖都好大方咁任你試食，間間店賣的口味都不同，試食幾粒已經好飽肚，不過荷蘭芝士真的好好味! 口味花款又多又新鮮

成個車軚咁大的芝士..........係咪真係食得架..........

綠色的芝士...........我都係第一次見! (⊙_⊙)

Dam 水霸廣場

360℃ Dam@Amsterdam

唔覺意走左入紅燈區，除左偶然在橫街窄巷見到超豐滿的lady「打開門做生意」之外.....
woo woo~ 連dom dom都可以咁公開咁得意的賣! 勁!

這樣子的賣即製小食，聞說是先從紐約興起，之後引入荷蘭就一路興到依家，投入硬幣，選按其中一格，那就可以掀開拿小食。不要以為好自動化，其實後面有人負責填補空出來的層格。

炸薯條，堪稱是荷蘭的國民美食，他的small size都已經很大杯，不便直啊，由兩個幾歐羅到三個幾歐羅不等......聽說這間很出名很多人排隊買，所以見到就順便湊個熱鬧

單單是醬料，已經要另外收EUR$0.25-0.5不等，但佢提供的不是茄汁就是這奶白色的醬，味道有點像是沙律醬吧..........可能我一向唔係特別鍾情薯條，所以唔覺得特別好食喎...........

自己一個人食的話，這實在太大杯，食完佢我已經食唔落其他嘢，是日晚餐就咁搞掂左!

回程時遇到ah超市(Albert Heijn)，之前網上爬文時已知它是荷蘭最出名的超市之一，所以搵到佢就有飯開有手信買了! (^_~)

一入到去，行左陣，已經忍唔到手了! 荷蘭的茶包好平呀~  我出國最愛買茶包的!
順便買了明天的早餐、生果、芝士，荷蘭盛產芝士，一pack pack切好晒可以隨時食，又平又好味又飽肚!

雖說是市中心，而且七八點先日落，可是Amsterdam最熱鬧的街店街都會在六點後陸續關門打烊，所以可預見每日活動去到七八點就該回旅館休息

返到hostel附近見到有地產仲介，於是八卦望下..........哇哇! 在市中心安妮之家附近的Bloemstraat 街的一個單位，36平方米，即約387平方呎，張相影得好OK好清雅喎，Asking price(vraagprijs)是20萬EUR就有一層! 即係兩百幾萬港紙買三百幾呎的樓，同香港樓價差唔多! 畢竟Amsterdam都係國際大都會嘛!

荷蘭的傳統屋子有很高的樓底，又有大大的窗戶，所以就算房子不很大，仍十分開揚，空間感十足! 有個咁大的窗、又唔使等lift、又在市中心交通方便、買得過呀!!

今日好隨興，行到邊睇到邊，睇到咩就影咩，雖然天灰灰暗暗，但沒有下雨已很lucky，nice to meet you, Amsterdam!