BORN TO TRAVEL: 荷蘭六．芝士盛會

DAY 6 (Apr 11)
Alkmaar Cheese Market 週五表演(每年4月至10月) → Castle Muiderslot 梅登城堡 → Dam 水壩廣場紀念品店 → Van Gogh Museum (逢週五才晚間開放至9點)

今天八點多出門口，坐火車九點已到達 Alkmaar站，這是個在Amsterdam不遠的小鎮，之所以出名，完全是因為芝士!! 因為在每年的4月至10月，每逢星期五的早上十點，都會有Cheese Market表演。

從 Alkmaar 火車站到表演廣場有一段路，不難找，因為沿途也有同路人，在漫步時，就順便感受一下小鎮風情吧! 例如荷蘭到處都有單車，所以路上的單車架也很多，其中又靚又實用就就是這個鬱金香單車架了! 一個架最少可以 lock 住3架單車

荷蘭真的把單車用到極致! 前面放個藍子放東西，後面加個兒童座位就可以帶兒女一起踩單車了!

愈近廣場就愈來愈多人，而且開始聽到有鐘聲，大概是Cheese Market 召集了

哇~ 來到喇~ 超熱鬧!! 因為這是在過了漫長的冬天後第一個Cheese Market 盛會，我在plan行程時也是把這計劃在內才看到的

今日超級好天，爆曬喎!! 但他們都把芝士就咁放係地曝曬，咁都得既咩?

這是在展示古時的芝士交易盛況，現代應該就唔會咁攤晒係地下喇.........

芝士會由專業的搬運工用擔子抬走，而且因為很重，他們的步伐也是很特別的。
聽說一件大芝士有約5公斤，每次拎8件，即係共有四十幾公斤，相等是一個少年的重量了!

荷蘭女士的傳統服

專家們很仔細地檢測芝士的品質

成班專家圍埋二齊研究評斷芝士的色澤、軟硬度、香氣，最後仲會試食

超多遊客的芝士盛會!

人山人海.......

五顏六色的芝士，全部都可以任試任食! 呢度都係小本生意，全手工製造芝士，而且比遊客區或超市都便宜，不過唔敢買咁多，因為不含防腐劑，所以只可存放2星期，回去要盡快食用。

個人覺得old cheese的味道比較濃郁，惹味d，但亦很易就會膩；而new cheese味道就清新d淡少少，仲有加入不同香茸的芝士、連wasabi芝士，辣椒芝士都有! 至於羊奶芝士奶騷味勁，看個人口味喜好。

用船運芝士，so cool so holland~!

雖然已經係auntie級，不過都係第一次親眼見到咁古典的裝扮，好華麗!!

回程再經過商店街，忍唔住行街shopping..... XD

呢間xenos就好似香港的日本城，裡面賣的都是家居日常用品、食品或擺設，種類數都數唔晒，其中最靚就係呢度，因為d彩色蠟燭好colourful呀~

是日金句!! 「幸福不是目標，是一種生活方式」

I love this sentence!! 讚!!

原本好有興趣買呢個鐘，因為家中正缺個靚鐘，而且單車鐘好有荷蘭特色，正當下定決定心hand carry返香港時，心多望一望係邊製造.....sigh.......made in China, 即刻擺返低，既然中國製造即係淘寶都買到啦，結果真係，價錢大約$60-200人仔，加埋匯率運費都平一截。

走時唔覺意順便參觀埋一間好古典的教堂，木天花好特別，沒有金碧輝煌，卻有樸實華美

這也算是偶爾遇上的驚喜。遊歐洲通常都會參觀教堂，但我的行程卻沒有這行程，反而隨意地遊時，又給我看到了!

在火車站裡見到很有趣的畫作，牛牛鬱金香同芝士鬱金香，都很荷蘭~

先搭火車回到Amsterdam中央車站，再買火車票去Weesp 站，之後就要再轉110號巴士。最衰落左火車先想去洗手間，惟有死死地氣要去火車站的收費洗手間.......天呀真係好先進，要入錢先開到門，裡面又全部自動化.......仲自動化到無任何按鈕開關唔知點沖廁.........正當研究完一輪都唔掂要放棄，一開門竟然有位男士在等........我很尷尬說唔識沖沖唔到水.....他說maybe它是auto......那我只好關上門就離開.........之後想大概他說得對....可能為避免人接人的入去省了錢，所以就設計成咁..........真係咁都得!!

黑色箭嘴就是巴士落車的地方，但走到右上角的黑色四方城堡就要走10分鐘路，好彩有GPS + igo App幫手。

荷蘭 Muiden梅登小鎮的消防局

路邊cafe的花很鮮艷奪目!

Muiden梅登是個超小小鎮，但是風光如畫，很少遊人，而且大家都好寫意好悠閒~

行經一間雪糕店，門外有很多小朋友來食雪糕，突然心動，見價錢也不很貴就試試了，2款口味也不用3歐元，在等待期間同老板閒談問門前的是他的小孩嗎，他說是，那我就問小孩一定很lucky可以天天食雪糕? 他笑得有點古惑話almost啦! 哈哈! 大概是怕給孩子的媽聽到自己太縱小孩吧! XD

沿途多了這雪糕，心情就更好了!

Castle Muiderslot 梅登城堡，是我在Holland pass那本guide book才發現的castle，它堪稱是最近Amsterdam最易去到的城堡了，建於1285年。

雖然城堡細細，但是它的格局很典型，是建於水中，四周有護城河

在castle museum內有展出當今的荷蘭國王和王后的照片，國王是剛上任不久，是荷蘭女皇主動退位傳給兒子；荷蘭皇室一直深受人民愛戴，而女皇主動退位讓賢的舉動更為人讚譽，還有王后好靚好優雅呢!!

由於城堡建在海岸旁邊，所以除了護城河，外邊更有堤堰。

signature pose @ Muiden Castle

整個城堡範圍連花園都有過萬呎以上，站在堤堰上遠觀城堡，好靚~

荷蘭是沿海國家，船隻製造業相當出名，這裡讓我想起OB.....miss miss.......

城堡的花園好大，有很好的規劃，也有員工精心打理

signature pose @ Muiden garden

The best shot today.

回程路上，很羨慕旁邊的居民，有個咁清優的居住環境.......

筍盤!!!

回程時等巴士，只見來時的巴士站，不見對頭的，於是在站牌邊正愁著，結果在一旁掃緊街的男士就主動過來問是否須要幫忙，他知道我想回程，可是他看來也不熟，不過他幫我看了看站牌後就著我待在同一車站等就行，因為巴士回程都是用同一站牌的。

大概一看我就知非本地人，所以就算英語不太流利，他也主動幫我，thank you so much! very friendly Dutch!

回到Amsterdam中央車站，都只係六七點未天黑，於是就漫步回程好了，途經超級「牙煙」的房子，好像快要向前傾倒了................不過這種房子在Amsterdam隨處可見，人從地下往上望，的確是有宏偉的感覺，這是在玩弄視覺嘛~

又再經過condom店，它真係超出名，店內超多人.......雖說唔俾影相.......但見到呢d咁搞笑的condom真係好難忍到手唔影，一張咁多啦!

Miffy係外國好出名，可是在荷蘭境內，卻唔容易找到它的紀念品店啊! 而且..........全部都好貴!!!!!!

「XXX」這個signature在荷蘭隨處可見，很有意思的，那就是「不要水災，不要火災，不要黑死病」這是很代表荷蘭的標誌，因為荷蘭大部份土地都低於水平線，所以他們很忌水災。而火災呢? 那是因為Amsterdam舊歷史建築都是用木建造，甚至連舂柱地基都是木，所以也忌火。最後黑死病曾在荷蘭肆虐造成大量死亡，所以這3個X是辟符，後來又成了最具代表荷蘭的logo

又俾我發現多間筍舖，叫Big Bazar，有兼賣手信，其他主要是日常生活用品，都幾平架!!

薯條，又變成是是日晚餐，今次試第二間，個醬好好食喎~~

lovely flower @ Amsterdam

從近郊回來都係七點幾未天黑，但也先回旅館放低d戰利品，因為芝士難保存，所以都把它們放進lobby的雪櫃了。

再出門，最後一次行去博物館廣場，個天好靚呀!

之前一直排不到時間入梵高博物館，而且它又受歡迎人龍超長的..........可是多得Holland pass我才知道原來逢星期五晚博物館會開到晚上9點，咁就好喇!!

其實我一開始無留意唔可以影相...........所以都影左幾副.......直到有工作人員說不可以之後，我已經好乖無影喇。

museum詳述了梵高的一生，也展出過百幅早展及後期的畫作，下圖是初期的作品，色調都是很暗沉的