DAY 7 (Apr 12)
Het Grachtenhuis 運河博物館 → Waterloo Market → Tassen Museum Hendrikje (Museum of Bags) → shopping(HEMA、LiDL和 ah超市) → AMS (2135pm) → HKG
今日是最後一天在荷蘭，由於晚上七點要出發到機場，不會遠行，所以都把museum同shopping編在最後一天，易於控制時間嘛。
其實我也無諗過荷蘭可以瘋買啦，因為印象中歐元國家的生活指數都比香港貴吧，點知原來唔係喎，有些家品茶包呀零食呀都有平的，就看你尋唔尋到寶了。(當然我必須承認，我這C9仔咩都岩買的......嘿嘿!) XP
第一站check point是Het Grachtenhuis (Museum of Amsterdam Canals)運河博物館，它就在Amsterdam 市中心內，很好找，開放時間是星期二至日，1000-1700。
入場費是12歐，但我買的holland pass仲有最後一張風車卷，所以可以兌換入場
這個博物館我最喜歡也高度推介，它說：「travel through 400 years of history in 40 minutes」是的，在這40分鐘裡很充實，而且資訊性得來又不會悶，讓我了解更多關於Amsterdam運河的建造，以致整個阿姆斯特丹城區的規劃對荷蘭人來說影響有多深遠。
多得當時的規劃師，化低窪水災這弱點成特點，讓阿姆斯特丹市一條條的運河成為治水關鍵，控制水位，同時也達到運輸、降低溫度、優化環境等作用。這個顧及各方的設計令後世幾百年都得益，也令所有住在這國際大都市的市民可以「屋前有流水，屋後有花園」!
其中一個展廳，介紹了建在運河旁的傳統房子有很多不同的作用，從古代到現化，以模型和迷你投影機展示荷蘭人在運河生活的面貌，很生動!
雖然荷蘭政府當時為了有效規劃市中心的土地，而下令房子以闊度徵稅，所以舊城區的老房子大都唔會超過六米闊，而為了令室內空間感增大，高樓底和大窗就可以拉闊視覺，在室內真的覺得寬敞不壓迫喎! 好聰明!
想不到在這museum可以見到荷蘭北部的星型堡壘 Bourtange的圖片! 原本我也想親身去看看這個「來自星星的堡壘」可是後來在找資料時，見其他網友說在實地根本不能這樣從高處望晒成個星型，所以才失望的取消這行程。
這照片是從網上借來的，如要想這樣看星星堡，大概要用模型飛機航拍先得了..... (T_T)
連洗手間都有別緻切合主題的磚畫，我實在很喜歡這museum!!
在街邊見到呢部泊左上行人路的車仔，真係名符其實的「車仔」呀! 細到同前面部單車差唔多大，但係都可以坐到兩個人，後面仲有少少位放東西.........香港好應該大量輸入這類私家車啦，超慳位呀!!!
細心留意的話，原來隨街都有Haring食架~ 不過一條要3歐是走不掉的.......
鬼叫得你荷蘭先有得食，而且又好味喎，最後一天點都要encore多次!
在途中，曾為了這位大提琴手而駐足，他拉的曲子我不認識，但是在這麼好的天氣，這麼悠閒的公園，這麼輕快的心情下，構成的就是最好的畫面，我不知道他的演奏是為賺生活費或是純分享音樂；但在那刻我選擇坐下來專心聆聽，享受，然後真心鼓掌，一下點頭微笑，就是最好的交流了。
Check point 2就係 Waterloo Market 滑鐵盧市集，這裡最多舊嘢賣，有心有力尋寶的或許可以執到寶啊.......
好嘢喎，呢個檔攤獨沽一味只賣懷舊鐵罐，我很好奇她是怎樣搜集到這些看來很有歷史的罐子，雖然大部份都是上個世紀的日常用品罐子，可是物以罕為貴，有好多也很有feel很精緻的......大部份都係幾蚊歐羅就有交易，我本來也有衝動買.....不過鐵罐在潮濕的香港很易生锈，所以惟有放下.....
Waterloo Market 好細好快行完，剛好遇到巡邏中的騎警，原來除了荷蘭人高大，馬兒都是十分高壯，型到不得之了呀!! (≧з≦)
一字排開，幾有氣勢~
行經荷蘭國家歌劇院外
I amsterdam 在機場外、國家博物館及歌劇院外都有，是遊客必影的，也是荷蘭人的自豪
日光日白就飲酒?? 呢架流動酒吧好得意，坐上客都是女生，而且要邊飲嘢邊踩著單車! 看來能吸引到咁多靚女，應該是車上的型仔bar tender吧.....
見時間仲早，咪決定去埋check point 3：Tassen Museum Hendrikje (Museum of Bags)，但我買holland pass的兌換卷已經用晒，但guide book說憑張證都可以有9折入場，點知我拿出證時，員工搞完一輪就話我可以免費入場，哇~~ 慳左成9.6歐元，即係成舊水呀!! Holland pass萬歲!!!! O(∩_∩)O
呢間博物館唔知係唔係史上第一間以包包為主題的museum，但係細細間就已經收藏了超過4500個包包，係女人既天堂! hahaha~
展品多是西方包包，藏品最早遠至16世紀，從包包看歷史，就好像上圖如畫一樣的包包，全是用細珠珠手工縫上，超高難度，簡直是藝術品!! 而且也可反映當時社會應該很繁榮吧，要不然哪有這閒情逸致追求生活品味?! ╮(╰╯∇╰╯) ╭
包包唔一定是一個個，都可以係「一抽」的! 這種是荷蘭人掛在腰間的，男女均合，就是把日常需要的東西掛在身邊
從古到今，包包都是追求時尚的必需配備，所以它一直是女士的恩物..........雖然自己日常用的袋子都以實用的big tote bag，但是見到閃令令的包包，都會眼見一亮!! (⊙.⊙)
sex and the city用過的 purse，好閃呀.......
請問有邊位女士會鍾意拎住罐可樂出街? anyway,,,,都玩味十足既!
這應該是全場最閃的行李箱，之但係.......拖住佢都應該幾大壓力..........咁閃一定好易俾人搶啦!! X(
同場加映LV展，件件都係古董，最誇張的是這個專門放鞋的行李箱，帶咁多鞋出行幹嘛!?!
museum的第二層是cafe，裝潢古典很有宮廷feel，最岩淑女們high tea
適逢barbie在荷蘭50週年，所有館內有個期間限定的barbie展，barbie同手袋的關係也是密不可分的呢~
barbie的包包都有好多款~ 仲整得好精細添!
連洗手間的裝飾都切合museum主題!
museum地下lobby仲有手袋賣，見到好搞笑的design，唔知拎住佢過關時會點呢.......
超額完成所有museum參觀，就輪到行街了!.........嘿嘿~ I'm coming~
聽說荷蘭的fashion and design比其他歐洲國家落後，但我又唔覺得喎，荷蘭的時裝店也有好靚好想買的單品，例如我好鍾意下面件皮褸，好柔軟好修身，cutting有女人味得來又型格........而且價錢唔係好貴(印象中唔過千)，只不過香港凍的日子太少，而且濕氣重易令皮褸發霉，如果唔係我真係會忍唔住買......sigh.....惟有影左當買左..........
豹紋銀包手袋同鞋都好靚，都係幾百蚊有交易，ok喎!
HEMA是荷蘭其中一間常見的生活百貨公司，單看亮眼門面以為賣的東西不便宜，點知原來唔係，東西花款多樣，價錢仲好親民! 食的用的穿的玩的乜都有!
1蚊歐羅可以買d乜? 可以買到6隻杯 / 6隻碗 / 4隻碟呀!! 而且款式好得喎!
在HEMA揀到給姪女的背心仔，姪女怕熱，所以給她買背心就最好，款式都很漂亮而且都不算貴，真係估唔到荷蘭都可以瘋買~~ XD
後來，在排隊俾錢時見到人地有張折扣貼紙貼落貨品上，可以自己選邊件8折或85折，當我走出門口時，就發覺有員工在派，於是我拿了一張，走去customer services counter問可否refund，點知又得喎，職員仲幫我自動將最貴的都8折，然後我就可以refund返 EUR$2.65，聽落好似好少，但兌返港紙有成30蚊架!
回程時又遇到 lovely bicycle
單車前裝多個木箱，可以放小朋友、狗仔，或者去超市掃貨一樣咁方便! NICE!
woo~ 最後一日竟然俾我遇見單車taxi~ 就是後面有包箱的那架，大概是給遊客坐的吧，荷蘭人除了BB仔，有誰沒單車的!? XD
原來郵差都係用單車送信!
所有行程都已經行完，想買的買了，唔捨得買的還是捨不得買.......所以是時候回旅館拿行李，而且還有時間再pack過，因為剛剛都買了一大袋東西呢.........嘿嘿! 還好這時lobby無咩人。以前我住旅館好少用lobby，但因為在這我住閣樓，要落黎lobby先上到網，所以晚晚都係度打躉，還好都幾好feel架，似cafe。
搭巴士一程過就去到機場，點知check完in過晒所有安檢在候機室等上機時，才被通知班機delay，原本說半小時，之後又一再推遲，我是還可以啦，好彩預先食左晚飯，如果唔係等上飛機先食的話一定餓死。在兩個小時的等候裡，好彩《有來自星星的你》陪我過，而且候機室有得叉住電，所以我也樂的隨遇而安。在這過程，航空公司給了水、果汁、蘋果、薯片作慰問，每一次都是呼籲小朋友及老人家優先上前領取，然後再按機位排數分批領取，大家也很禮讓，沒有爭先恐後、沒有你推我撞。整整兩小時大家都是靜靜地耐心地等，沒有難為地勤人員，也沒有人當場發難。
這就是見證，如果這班機是強國人，仲唔黎個「佔領候機室」再來一哭二鬧發痒吊咩! 雖然本身也想盡快上機睡覺，可是面對一機人都是這麼耐心平和地等，我一點也不覺得這是苦等，而是一段美好的體驗，如果大家都識體諒和耐心，心靜自然樂。
雖然第一班飛機delay左咁兩個鐘，但因為同下一班飛機有4個鐘轉機時間，所以去到杜拜時都趕得及，不用等就直接check in入候機室了，好彩!!
原本都幾興奮有A380 超級空中巴士坐，不過試過後真係唔多OK囉，原因就是因為它太大了! 大機載的乘客數量也多很多，所以上落機都比平時多花很多時間，成架機人頭擁擁好暈呀...而且經濟倉的設備都無特別巴閉，所以我寧願坐細機好了
杜拜回香港的A380都係全機滿，還好回程的飛行時間比去程短，唔覺唔覺就回香港了.....不過香港真的有夠熱了!!!
意想不到可以喪買，但都唔係好多行李嗟，我都未用盡30kg的寄倉上限.......XP
有人想俾surprise我，但又俾我估到喎.......anyway，都算你體貼啦! 乖喇~
happy trip with happy ending! yeah! (╯з╰)
沒有留言:
張貼留言