荷蘭好好買．戰利品大檢閱

張相係咪好有氣勢呢!! haha~ 

買買買，想不到去到歐洲都可以好好買! 今次真係買得好開心呀~!  O(∩o∩)O

只要肯多逛逛，捐窿捐罅就會搵到當地平靚正好嘢~~ 

個人投選荷蘭最好買的就是：

1. Albert Heijn (ah) 超市 (火車站內、Overtoom街、市中心......無處不在)

2. HEMA 生活用品、食品、衣飾店 (Amsterdam 阿姆斯特丹市中心內)

3.  LiDL 超市 (Amsterdam市中心內) 以日常家居食品用品居多，價位和種類都很生活大眾化，沒ah 種類多。

 4. BIG BAZAR 日用品、精品、手信店(Amsterdam 阿姆斯特丹市中心內)

5. Albert Cuyp market市集 (新鮮食品 + 衣飾 + 雜貨)

6. xenos 生活用品店 (在Alkmaar步行街內) 似日本城+吉之島10蚊店

7. Wibra 生活用品店 (在南部Maastricht馬克垂斯小巷弄內)

以上咁多間我都有斬獲，而且除了ah超市我一早知之外，其他都是亂逛亂闖發現的!! XD

以下是我在荷蘭買到的戰利品，給準備去荷蘭的你作參考：

1. 這只很raw的木履在風車村買，2歐一隻(未打磨風乾上色)，有咩用呢......

就係咁用囉! 用來放東西、種花插花一樣得，係咪好靚先~?! ╮(╯∇╰)╭

p.s. 鍾意的話仲可以當小朋友勞作用，幫佢上色/裝飾/畫畫，創造獨一無二的DIY木屐!

 

2. 芝士，荷蘭盛產芝士，而且有多種口味，如果去時天氣清涼，大可以試著把芝士運回港。注意：
a. 如果房內或旅館無雪櫃借用，就留到最後臨上機前先買吧
b. 一定要寄倉，如果hand carry的話，客倉溫度太暖會令芝士變壞的。

上面貼了三葉草的芝士在Alkmaar芝士表演場外買的，是薰衣草口味和old cheese
下面是在ah超市買的，左起合桃芝士、中間的香草芝士和右邊的蕃茄芝士，全部都好好味!! =9

3. 在LiDL 超市買的荷蘭蠟腸，粗的那條可以切片整pizza

4. ah買的荷蘭beer同特飲，一個幾毫歐元，味道都幾特別，ok好飲

5. 左邊2樽是在ah買的薯片dip沾醬，比在美國買便宜，大概兩三歐
右邊占調味在雜貨店買，印象中好像是三,四歐羅連瓶子，個樽是可以攪碎調味料的，淨買個樽都抵! 還有就是用來點芝士食的芥末籽醬，超平1歐元樽，在Albert市集買的，也可以用來點牛扒羊扒食

 

6. ah和verkade出的餅乾，好平好平! 個幾歐羅就有一大筒/盒，而且好味喎!

7. 荷蘭牛奶除了用來造芝士，仲有朱古力，白朱古力0.6歐，星星朱古力3.5歐，其他都是1歐2歐左右吧，不貴，抵食，好食!

8. 一蚊歐羅的HEMA軟糖，好食!!

9. 特產荷蘭格餅，最平1.5歐/包，大米超愛食，最正統食法是放在熱茶上，等水蒸氣薰軟熱塊餅食就最好味，餅偏甜，配茶或咖啡 high tea最正!

 

10. 在 BIG Bazar買的泡茶用品，用來作手信超好! 而茶包就是我每次出遊都習慣買的，ah出品的茶包很便宜，1個幾毫歐羅就有1盒，每盒都有10-20包，超抵飲同好飲!

除了食品就是個用品，想不到都比香港平，止汗劑M巾膠布牙線每樣都係1歐，所以貪得意每樣都買些來試用，全都不錯很抵用。而必利痛是在杜拜等轉機時，在候機禁區買的，超級平呀! 24粒裝香港買四五蚊，這一排只要2歐元咋!!!

荷蘭的肥皂

0.69歐元，平過十蚊店囉! 

好青蔥的置物籃

這是我不惜千里迢迢都要帶返香港的托盤，在南部馬克垂斯買的，好像是4歐，鍾意托盤的feel，更愛上面的字!

飾品類：買了姪囡和小孩們的髮圈髮夾，全部都好靚!!

給自己戴的手鏈

衣服類：給姪囡的背心仔同褲仔，全部都係HEMA買，三四歐又平又靚!

給小姪仔的嬰兒衫，因為佢老豆鍾意蜘蛛俠，貴，但係著左上身好得意!

用來襯衫用的背心，都在HEMA買，都是三四歐一件，抵著!! 

小小首飾掛架，又靚又實用，在BIG BAZAR買1歐個

手信類：
給儲磁石的媽媽，木屐、風車、排屋最代表荷蘭了，建議睇多幾間先好買，因為間間買的款都不樣，而且都是多買多平，在辛格花市或Albert市集買都會平啲

Holland 鬱金香筆，筆是挺有用的東西，而且造工也很美，就給自己買件信好了 =P

買了罐種子回來，可惜仲未的起心肝開來種

去的時候差不多復活節，見到好靚的精品忍不住買添.....


買了一大堆東西，都是食得用得著得的，而且平靚正又實用，所以誰說瘋買一定傷荷包的!? XD